Enter your Email Address to subscribe to our newsletters
कोरबा, 06 अप्रैलमासः (हि. स.)।
भारतीयजनतादलस्य सप्तचत्वारिंशतितमस्थापनादिवसस्य पावनावसरे प्रदेशस्य उद्योगमन्त्री लखनलालदेवाङ्गनः अद्य सोमवासरे कोरबानगरस्य कोहडिया क्षेत्रस्थिते स्वनिवासे दलध्वजं आरोहयत्। अस्मिन् अवसरे सः राष्ट्रवादीविचारधारायाः तथा संगठनस्य प्रति स्वसंकल्पं पुनः उद्घोष्य दलस्य मूल्यानि नमस्कृतवान्।
मन्त्री देवाङ्गनः अस्मिन् अवसरे उक्तवान् यत् भारतीयजनतापार्टी सेवा समर्पण अन्त्योदय सुशासन इत्येतैः मूलमन्त्रैः सह देशाय नूतनदिशां प्रदातुं कार्यं कृतवती। सः अवदत् यत् अयं दिवसः केवलं कस्यचित् राजनैतिकसंगठनस्य स्थापनायाः स्मरणमात्रं नास्ति, अपितु सा वैचारिकी यात्रा अस्ति या प्रत्येकं कार्यकर्तारं राष्ट्रहिताय समर्पितजीवनं जीवितुं प्रेरयति।
सः पुनः उक्तवान् यत् भाजपाविचारधारा समाजस्य अन्तिमपुरुषपर्यन्तं विकासं प्रापयितुं प्रतिबद्धता आधारिताऽस्ति, तथा च अस्यैव संकल्पस्य साहाय्येन कार्यकर्तारः निरन्तरं राष्ट्रनिर्माणे योगदानं कुर्वन्ति।
मन्त्री देवाङ्गनः अस्मिन् अवसरि सर्वान् दलकार्यकर्तॄन् राष्ट्रसेवकान् च स्थापनादिवसस्य हार्दिकाः शुभाशयाः अभिनन्दनानि च प्रदत्तवान्। सः कार्यकर्तॄन् आहूतवान् यत् ते संगठनस्य नीतयः सिद्धान्तांश्च जनजनपर्यन्तं प्रसारयितुं निरन्तरं सक्रियाः स्युः।
कार्यक्रमस्य समये स्थानीयकार्यकर्तारः समर्थकाः च उपस्थिताः आसन्, ये दलस्य प्रति स्वनिष्ठां समर्पणं च प्रकटितवन्तः।
---------------
हिन्दुस्थान समाचार