Enter your Email Address to subscribe to our newsletters
नवदिल्ली, ०६ अप्रैलमासः (हि.स.)। भारतीयजनता-पक्षः (भाजपा) देशस्य पञ्च-राज्येषु—पश्चिमबङ्गाल-तमिलनाडु-केरल-असम-केन्द्रशासित-पुडुचेरी—प्रदेशेषु भविष्यमाणानां विधानसभानिर्वाचनानां प्रचाराय प्रविष्टः अस्ति। भाजपायाः शीर्ष-प्रचारकाः प्रधानमन्त्रिणः नरेन्द्रमोदिनः सह अन्ये सर्वेऽपि दिवारात्रं प्रयत्नं कुर्वन्ति। प्रधानमन्त्री नरेन्द्रमोदी तथा केन्द्रीयमन्त्री जे.पी.नड्डा च अद्य असमे जनसभाः सम्बोधयिष्यतः। एतस्मादतिरिक्तं केन्द्रीय-गृह-सहकारितामन्त्री अमित-शाहः अद्य केरले तथा पुडुचेरी-प्रदेशे प्रचारं करिष्यति।भाजपया एक्स-इत्यत्र लिखितं यत् प्रधानमन्त्री नरेन्द्रमोदी अद्य प्रातः ११ वादने बारपेटा-नगरे, अपराह्णे सपाद्-एकवादने होजाई-नगरे तथा सायं चतुर्वादने डिब्रूगढ़-नगरे जनसभाः सम्बोधयिष्यति। जे.पी.नड्डा अपि अद्य असमे एव भविष्यति। सः तिनसुकिया-नगरे मध्याह्ने १२ वादने तथा अपराह्णे द्विवादने लखीमपुर-नगरे जनसभया जनताजनार्दनस्य सम्मुखे भविष्यति।
पक्ष-नेता अमित-शाहः भाजपा-स्थापना-दिवस-अवसरे केरलस्य तिरुवनन्तपुरम्-नगरे प्रातः १० वादने कार्यकर्तॄन् सम्बोधयिष्यति। अस्मात् सः निर्वाचन-प्रचारार्थं पुडुचेरीं गमिष्यति। पुडुचेरी-नगरे तस्य शोभायात्रा आयोज्यते।
पश्चिमबङ्गाले २९४ आसनेषु द्वयोः चरणयोः (२३ तथा २९ अप्रैलमासः), तमिलनाडु-राज्यस्य २३४ आसनानां कृते २३ अप्रैल-मासे एकः चरणः, केरलम्-राज्ये १४० आसनेषु ९ अप्रैल-मासे, असम-राज्यस्य १२६ आसनानां कृते ९ अप्रैल-मासे तथा पुडुचेरी-प्रदेशस्य ३० आसनेषु ९ अप्रैलमासे मतदानं भविष्यति। एतेषां सर्वेषां परिणामानां घोषणा ४ मईमासे करिष्यते।
हिन्दुस्थान समाचार / अंशु गुप्ता