Enter your Email Address to subscribe to our newsletters
काठमांडूः, 06 अप्रैलमासः (हि.स.)।
नेपालदेशे अद्य (६ अप्रैल) आरभ्य सरकारी-कार्यालयेषु सार्वजनिक-निकायेषु च नवीना समय-सारिणी प्रवर्तिता अस्ति।
अधुना कार्यालयाः प्रातः ९:०० वादनात् सायं ५:०० वादनपर्यन्तं उद्घाटिताः भविष्यन्ति। एषः निर्णयः मन्त्रिपरिषदा रविवासरे कृतः। अस्मात् निर्णयात् शैक्षणिक-संस्थानानि बहिः स्थापितानि सन्ति।
अतिरिक्ततया अधुना सार्वजनिक-कार्यालयेषु शैक्षणिक-संस्थानिषु च सप्ताहे द्वौ अवकाश-दिनौ भविष्यतः। शनिवासरे रविवासरे च कार्यालयाः बन्दाः भविष्यन्ति।
सरकारेण अपि स्पष्टं कृतं यत् शैक्षणिक-संस्थानिषु द्विदिनात्मकः साप्ताहिक-अवकाशः २८ अप्रैल तिथेः आरभ्य प्रवर्तिष्यते, यः नवीन-शैक्षणिक-सत्रस्य आरम्भेन सह प्रभावी भविष्यति।
तथापि शीतकालीन-अवधौ (२ नवम्बर तः २९ जनवरी पर्यन्तम्) कार्यालय-समये परिवर्तनं क्रियते। अस्मिन् काले कार्यालयाः प्रातः ९:०० वादनात् सायं ४:०० वादनपर्यन्तं सञ्चालिताः भविष्यन्ति।
एषा सूचना गृहमन्त्रालयेन राजपत्रे प्रकाशितया सूचनया प्रदत्ता अस्ति।
---------------
हिन्दुस्थान समाचार