Enter your Email Address to subscribe to our newsletters
हरिद्वारम्, 06 अप्रैलमासः (हि.स.)। सैनीसमाजः भेल रानीपुर, हरिद्वारेण षट्चत्वारिंशत्तमः वार्षिकोत्सवकार्यक्रमः दिव्यभव्यरूपेण आयोजितः। अस्मिन् कार्यक्रमे राज्य मंत्री सुनील सैनी मुख्यातिथिरूपेण उपस्थितः आसीत्। अस्मिन् अवसरे समाजस्य बालकाः सांस्कृतिककार्यक्रमेषु उत्साहेन सहभागित्वं कृत्वा उत्कृष्टाभिः प्रस्तुतिभिः सर्वेषां मनांसि आह्लादितवन्तः।
कार्यक्रमस्य अवसरे राज्य मंत्री सुनील सैनी सर्वान् प्रतिभागिनः स्मृतिचिह्नैः सम्मानितवान् तथा तेषां उज्ज्वलभविष्यस्य कामनाम् अकरोत्। तेन उक्तं यत् हरिद्वारस्य सैनीसमाजः सशक्तः समृद्धश्च अस्ति, यः सामाजिकसेवाकार्येषु अग्रणीभूमिकां निर्वहति। समाजस्य बालकाः विविधेषु क्षेत्रेषु प्रतिभां प्रदर्शयन्ति, विशेषतः शिक्षाक्षेत्रे उल्लेखनीयं योगदानं कुर्वन्ति।
तेन भेल रानीपुर सैनीसमाजस्य अध्यक्षः राजीव सैनी, उपाध्यक्षः मनोज सैनी, सचिवः योगेश कुमार सैनी, सहसचिवः अनूप सैनी, कोषाध्यक्षः कमल सैनी, डॉ. महिपाल सैनी, प्रसिद्धः कविः किसले सैनी, विनय सैनी, अंशु कुमार, विनीत सैनी तथा सर्वे पदाधिकारीभ्यः आयोजनस्य कृते हार्दिकाः शुभाशयाः प्रदत्ताः। अपि च तेन विश्वासः व्यक्तः यत् आगामिवर्षे एषः कार्यक्रमः अधिकं भव्यरूपेण आयोज्यते तथा सैनीसमाजस्य एकता अधिकं सुदृढा भविष्यति।
राज्य मंत्री सुनील सैनी यूनः प्रति आह्वानं कृतवान् यत् ते सामाजिकसेवाकार्येषु सक्रियतया भागं गृह्णीयुः तथा “सेवा एव परमः धर्मः” इति सिद्धान्तं स्वीकृत्य समाजस्य राष्ट्रस्य च विकासे स्वीयं योगदानं ददतु।
वार्षिकोत्सवस्य अवसरे तेन महात्मा ज्योतिबा फुले तथा माता सावित्रीबाई फुले अपि श्रद्धया स्मृतौ आनयत्। तेन उक्तं यत् महात्मा ज्योतिबा फुले समाजपरिवर्तनाय शिक्षाक्षेत्रे च महत्त्वपूर्णानि कार्याणि अकरोत्।
अस्मिन् अवसरे सुनील सैनी समाजस्य सर्वान् संस्थापकान् अपि स्मृत्वा तेषां प्रति सादरं नमनं कृतवान् तथा उक्तवान् यत् वयं वरिष्ठजनानां प्रेरणां स्वीकृत्य निरन्तरं प्रगतिपथे अग्रे गच्छेम।
हिन्दुस्थान समाचार