नवदिल्ली, ०७ अप्रैलमासः (हि.स.)। पश्चिम-एशिया-प्रदेशे प्रवर्तमाने युद्धे कारणतः देशे पाक-वाति-आपूर्तौ उत्पन्नां समस्यां दृष्ट्वा केन्द्र-सर्वकारेण पञ्च-किलोग्राम-परिमितस्य लघु-एलपीजी-वाति-नलिकायाः (फ्री-ट्रेड-एलपीजी—एफटीएल) आपूर्ति-कोटाया: द्विगुणीकरणस्य घोषणा कृता। अस्य कोटा-वृद्धेः लाभः तेषां जनानां भविष्यति ये ग्रामेभ्यः जीविकोपार्जनार्थं वा अध्ययनार्थं वा नगरेषु आगत्य निवसन्ति तथा च पाकार्थं अ-कनेक्शनयुक्तानां एतानि लघु-नलिकानि उपयुञ्जते।

पेट्रोलियम-मन्त्रालयेन निर्गतायां सूचनायां उक्तं यत् पञ्च-किलोग्राम-परिमितस्य लघु-वाति-नलिकायाः कोटा-द्विगुणीकरणार्थं गत-मासस्य द्वितीया-तृतीया-तिथ्योः (२ तथा ३ मार्चमास:) मुक्त-विपणे प्रदत्तानां नलिकानां संख्यां आधाररूपेण स्वीकृतम्। मन्त्रालयेन अपि स्पष्टं कृतं यत् एतानि लघु-एफटीएल-नलिकानि राज्यस्य खाद्य-नागरिक-आपूर्ति-विभागेभ्यः प्रदास्यन्ते, तथा च एषां आपूर्तिः केवलं प्रवासीजनानां कृते भविष्यति।

एतेषां लघु-नलिकानां कृते स्थायी-वाति-संयोजनस्य आवश्यकता न भवति। दूरस्थ-ग्रामेभ्यः नगरेषु अध्ययनार्थं कार्यार्थं वा आगताः छात्राः प्रवासी-श्रमिकाश्च स्वस्य स्थायी-संकेतस्य प्रमाणं विना केवलं मान्य-परिचय-पत्रं दर्शयित्वा एतानि नलिकानि प्राप्तुं शक्नुवन्ति। अस्थायी-निवासिनः अपि, येषां स्थायीसंकेत: नास्ति, ते अपि मान्य-परिचय-पत्रेण एतानि प्राप्तुं अर्हन्ति। अतः नगरेषु निवसतां प्रवासी-श्रमिकाणां छात्राणां च कृते एषा पञ्च-किलोग्राम-परिमिता वाति-नलिका अत्यन्तं उपयोगी सिद्धा भवति।

पश्चिम-एशिया-प्रदेशे युद्धस्य आरम्भात् परं केन्द्र-सरकारः पेट्रोलियम-उत्पादानां पर्याप्त-उपलब्धतां सुनिश्चेतुं सततं प्रयतते। पेट्रोलियम-मन्त्रालयेन पूर्वम् अपि उक्तं यत् वर्तमान-वैश्विक-परिस्थितौ अपि पेट्रोल, डीजल तथा एलपीजी इत्येषां पर्याप्त-उपलब्धता सुनिश्चितुं सर्वाः सम्भाव्याः उपायाः क्रियन्ते।

सर्वकारेण जनान् प्रति आह्वानमपि कृतं यत् ते भयभीताः भूत्वा नलिकानां क्रयणं न कुर्वन्तु। दुष्प्रचारेभ्यः दूरं स्थित्वा केवलं आधिकारिक-सूचनासु एव विश्वासः कर्तव्यः, येन भय-स्थितिः न उत्पद्यते। तदतिरिक्तं एलपीजी-आरक्षणार्थं डिजिटल-माध्यमानाम् उपयोगः अपि अनुशंसितः। गृह-एलपीजी तथा पाइप-प्राकृतिक-वाति (पीएनजी) इत्येतयोः आपूर्तौ प्राथमिकता दत्ता, विशेषतः चिकित्सालयानां शैक्षणिक-संस्थानानां च कृते अस्ति।

हिन्दुस्थान समाचार / अंशु गुप्ता