नव दिल्ली, 07 अप्रैलमासः (हि.स.)।

छत्तीसगढराज्यस्य मुख्यमन्त्री विष्णुदेव सायो मङ्गलवासरे नरेन्द्र मोदिना सह मिलित्वा बस्तरप्रदेशस्य समग्रविकासार्थम् एकं महत्त्वाकाङ्क्षिणं दूरदर्शिनं च रूपरेखापत्रं (ब्लूप्रिण्ट) प्रस्तुतवान्। अस्मिन् अवसरस्य सन्दर्भे मुख्यमन्त्री नक्सलवादस्य समाप्तेः अनन्तरं प्रदेशे स्थापितायाः शान्तेः कृते प्रधानमन्त्रिणं प्रति कृतज्ञतां व्यक्तवान् तथा वर्षाकालानन्तरं बस्तरप्रदेशस्य भ्रमणार्थं औपचारिकनिमन्त्रणं दत्तवान्। प्रस्ताविते भ्रमणे अनेकाः महत्त्वपूर्णाः विकासपरियोजनाः शिलान्यासलोकार्पणयोः कृते योजनाः सन्ति।

प्रधानमन्त्रीकार्यालयेन अस्य मेलनस्य चित्राणि सामाजिकमाध्यमेषु प्रकाशितानि। अनन्तरं मुख्यमन्त्री साय अवदत् यत् बस्तरप्रदेशे तथा समग्रे राज्ये नक्सलवादः समाप्तः, अधुना च शान्तिपूर्णः वातावरणः वर्तते। अस्मिन् परिवर्तिते परिदृश्ये सरकारस्य लक्ष्यं शीघ्रविकासः, जीविकासृजनं तथा आधारभूतसुविधानां विस्तारः अस्ति। तेन प्रधानमन्त्रिणे समर्पिते दस्तावेजे शिक्षाक्षेत्रे, स्वास्थ्ये, संयोजकत्वे, ऊर्जाक्षेत्रे, कृषौ, पर्यटनक्षेत्रे च विस्तृतयोजनानां रूपरेखा प्रस्तुता।

शिक्षाक्षेत्रे स्वास्थ्ये च एजुकेशनसिटी, सुपरस्पेशलिटी चिकित्सालयाः, नूतनवैद्यकीयमहाविद्यालयाः स्थाप्यन्ते। इन्द्रावतीनद्याः उपरि बैराजनिर्माणं, रेलमार्गविस्तारः, विमानस्थानकविकासः च कृत्वा संयोजकत्वं सुदृढीक्रियते। मुख्यमन्त्री विश्वासं व्यक्तवान् यत् एताभिः योजनाभिः बस्तरप्रदेशः विकासस्य नूतनयुगे प्रवेक्ष्यति।

अयं विकासरूपरेखापत्रं “सैचुरेशन, कनेक्ट, फैसिलिटेट, एम्पावर, एंगेज” इति रणनीत्याः आधारेण निर्मितम्। अस्य अन्तर्गतं दूरस्थग्रामेषु मार्गजालस्य विस्तारः क्रियते। प्रधानमंत्री ग्राम सड़क योजना इत्यस्य अवशिष्टकार्याणि २०२७ पर्यन्तं समाप्तानि भविष्यन्ति, तथा २२८ नवीनमार्गाणां २६७ सेतूनां च निर्माणप्रस्तावः अस्ति। अतिरिक्ततया ६१ नवीनपरियोजनानां कृते केन्द्रीयसहायता अपेक्षिता।

ऊर्जाक्षेत्रे सर्वेषां गृहाणां प्रति विद्युत्प्रदानस्य लक्ष्यं शीघ्रं साध्यते। शिक्षाक्षेत्रे ४५ पोटाकेबिनविद्यालयाः स्थायीभवनरूपेण परिवर्तिताः भविष्यन्ति। युवानां कृते १५ क्रीडाङ्गणानि २ बहुउद्देशीयसभागृहाणि च निर्मीयन्ते। स्वास्थ्यसेवाः सुदृढीकरणार्थं प्राथमिकस्वास्थ्यकेन्द्राणां विस्तारः चिकित्सकानां कृते निवासगृहाणां (ट्रान्जिटहोस्टल) निर्माणं च क्रियते।

कृषिसिंचनक्षेत्रे इन्द्रावतीनद्याः उपरि देउरग्राम तथा मटनारपरियोजनयोः अनुमतिः दत्ता, येन ३१,८४० हेक्टेयरपरिमितभूमिः सिंचनसुविधां प्राप्स्यति। एतस्मात् क्षेत्रस्य कृष्यर्थव्यवस्था सुदृढा भविष्यति इति अपेक्षा। जीविकोपार्जनवृद्ध्यर्थं त्रिवर्षीययोजना अपि निर्मिता, यस्य अन्तर्गतं २०२९ पर्यन्तं ८५ प्रतिशतपरिवाराणां मासिकआयः १५,००० रूप्यकात् ३०,००० रूप्यकपर्यन्तं वर्धयितुं लक्ष्यं स्थापितम्। “नियद नेल्ला नार 2.0” योजना अपि विस्तारिताऽस्ति।

स्टार्टअपनवोन्मेषयोः प्रोत्साहनार्थं “अंजोर विजन 2047” तथा “विकसित भारत@2047” योजनयोः अन्तर्गतं २०३० पर्यन्तं ५००० स्टार्टअपनिर्माणस्य लक्ष्यं स्थापितम्। पर्यटनक्षेत्रे चित्रकोट-तीरथगढजलप्रपातौ, काङ्गेरघाटीराष्ट्रीयोद्यानम्, कैनोपीवाक्, ग्लासब्रिज इत्यादीनां माध्यमेन बस्तरप्रदेशः वैश्विकपर्यटननक्शायां प्रतिष्ठाप्यते।

मुख्यमन्त्री उक्तवान् यत् एकलक्षाधिकयुवानः कौशलप्रशिक्षणं प्राप्तवन्तः, तेषु ४०,००० युवानः रोजगारं प्राप्तवन्तः। “बस्तर मुन्ने” कार्यक्रमस्य अन्तर्गतं ग्रामपञ्चायतस्तरे शिविराणि आयोजित्य जनानां कृते योजनालाभः प्रत्यक्षं प्रदीयते।

प्रधानमन्त्रिणः संभावितभ्रमणकाले रावघाट-जगदलपुर रेलमार्गः, जगदलपुरविमानस्थानकविस्तारः, सुपरस्पेशलिटी चिकित्सालयः, दन्तेवाडा वैद्यकीयमहाविद्यालयः, जगरगुण्डा तथा ओरछा क्षेत्रयोः एजुकेशनसिटी इत्यादीनां परियोजनानां शिलान्यासलोकार्पणयोः योजना अस्ति। एताभिः परियोजनाभिः बस्तरप्रदेशः शिक्षास्वास्थ्यसंयोजकत्वक्षेत्रेषु नूतनशिखराणि स्प्रक्ष्यति इति अपेक्षा।

-------------

हिन्दुस्थान समाचार