Enter your Email Address to subscribe to our newsletters
रायपुरम् 07 अप्रैलमासः (हि.स.)।
छत्तीसगढराज्ये स्वास्थ्यसुविधानां सुदृढीकरणदिशि महत्त्वपूर्णं पदं स्वीकृत्य स्वास्थ्य मन्त्री श्याम बिहारी जायसवालश्च उपस्थितौ अद्य मङ्गलवासरे राजधानी रायपुरनगरे पण्डरीस्थिते शासकीयचिकित्सालये चिकित्सायन्त्रवितरणकार्यक्रमः आयोजितः।
अस्मिन् अवसरे मन्त्री जायसवालः अवदत् यत् राज्यसरकारस्य लक्ष्यं प्रदेशस्य प्रत्येकनागरिकं प्रति सुलभाः, गुणवत्तायुक्ताः आधुनिकाश्च स्वास्थ्यसेवाः प्रापयितुम् अस्ति। तेन उक्तं यत् स्वास्थ्याधारसंरचनायाः सुदृढीकरणार्थं शासनं निरन्तरं प्रयत्नशीलं वर्तते, तथा अस्यां श्रृङ्खलायां आधुनिकचिकित्सायन्त्राणां उपलब्धता सुनिश्चिता क्रियते। तेन विशेषतः निर्दिष्टं यत् एतेषां यन्त्राणां माध्यमेन रोगिणां उत्तमः शीघ्रः प्रभावी च उपचारः सुलभः भविष्यति।
कार्यक्रमे विभिन्नप्रकाराणि कुलं २,२५० चिकित्सायन्त्राणि स्वास्थ्यविभागाय प्रदत्तानि, येन चिकित्सालयेषु उपचारसुविधाः अधिकं सुदृढाः भविष्यन्ति। मन्त्री उक्तवान् यत् एतादृशाः पहलाः स्वास्थ्यसेवानां गुणवत्तां वर्धयन्ति, रोगिभ्यः च समये उत्तमोपचारप्रदाने सहायिकाः भवन्ति।
तेन विष्णु देव सायस्य नेतृत्वे स्वास्थ्यक्षेत्रे क्रियमाणानां सततप्रयत्नानां उल्लेखः कृतः, तथा उक्तं यत् सरकारः स्वास्थ्यसेवानां विस्तारसुदृढीकरणयोः प्रति प्रतिबद्धा अस्ति।
एते चिकित्सायन्त्राणि भारतीय स्टेट बैंक इत्यस्य कॉर्पोरेट् सामाजिकउत्तरदायित्वयोजनान्तर्गतं प्रदत्तानि, यत् समाजे स्वास्थ्यसेवासु च संस्थागतसहयोगस्य प्रशंसनीयम् उदाहरणम् अस्ति।
---------------
हिन्दुस्थान समाचार