नारनौलम्, ०७ अप्रैलमासः (हि.स.)। हरियाणा-राज्यस्य मुख्य-सचिवः अनुराग: रस्तौगी मङ्गलवासरे रबी-ऋतु-खाद्यान्न-क्रय-व्यवस्थानां समीक्षा-निमित्तं दृश्य-संवाद-माध्यमेन सभां आयोजितवान्। अस्यां सभायां सर्वेषां जनपदानां उपायुक्ताः खाद्य-आपूर्ति-विभागस्य अधिकारिणः च सहभागितां कृतवन्तः।

महेंद्रगढ-जनपदस्य पक्षतः उपायुक्तः कैप्टन-मनोज-कुमारः जनपदस्य प्रतिवेदनं प्रस्तुतवान्। सः अवदत् यत् राज्य-शासनं तथा जिला-प्रशासनं कृषकेभ्यः उचित-मूल्यं तथा मण्डीषु उत्तम-सुविधाः प्रदातुं पूर्णतया प्रतिबद्धम् अस्ति। तेन अधिकारिभ्यः निर्देशाः दत्ताः यत् क्रय-प्रक्रियायां याः काचन बाधाः आगच्छेयुः, ताः शीघ्रं निराक्रियन्ताम्, येन उत्कर्ष-काले कृषकाः विपणेषु प्रतीक्षां न कुर्वन्तु।

सभायां मुख्यतया गोधूम-सर्षप-शस्ययोः कृते ‘मेरी-फसल-मेरा-ब्यौरा’ पटले पञ्जीकृतस्य क्षेत्र-प्रमाणीकरणस्य असाम्य-विवरणानां समीक्षा कृता। उपायुक्तेन निर्देशितं यत् एतेषां विवरणानां शीघ्रं साम्यीकरणं क्रियते, येन क्रय-भुगतान-प्रक्रियायां विलम्बः न भवेत्।

तेन उक्तं यत् महेंद्रगढ-जनपदस्य विपणेषु निरीक्षणार्थं विशेष-दलानि गठितानि सन्ति। कृषकेभ्यः २४-होरा-गेट-पास-सुविधा अपि प्रदत्ता अस्ति, तथा निजी-क्रयः अपि नियमानुसारं मण्डी-मार्गेण एव सुनिश्चितः क्रियते।

हिन्दुस्थान समाचार / अंशु गुप्ता