नवदिल्ली, ०७ अप्रैलमासः (हि.स.)। प्रधानमन्त्री नरेन्द्रः मोदी मङ्गलवासरे श्री-गुरु-तेगबहादुरस्य प्रकाश-पर्वणि तं भावपूर्णया श्रद्धया स्मृतवान्। सः एतं महान्तं आध्यात्मिक-जनम् अस्माकं सभ्यतायाः प्रेरणास्रोतत्वेन निर्दिश्य तस्य आदर्शान् अपि स्मृतवान्।

प्रधानमन्त्री मोदी एक्स-माध्यमे स्वसन्देशे उक्तवान् यत् गुरु-तेगबहादुरस्य जीवनं साहस-त्याग-मानवताः प्रति गम्भीर-संवेदनशीलतायाः अद्वितीयं उदाहरणम् अस्ति। सः विपरीत-परिस्थितिषु अपि सत्य-गरिमा-आस्थायाः रक्षणाय अटलः स्थित्वा समाजाय मार्गदर्शनं कृतवान्।

प्रधानमन्त्रिणा उक्तं यत् गुरु-तेगबहादुरस्य शाश्वत-सन्देशः अद्यापि प्रासंगिकः अस्ति, सः च अस्मान् न्यायपूर्णं करुणामयं समरस-समाजस्य निर्माणाय प्रेरयति।

हिन्दुस्थान समाचार / अंशु गुप्ता