Enter your Email Address to subscribe to our newsletters
नव दिल्ली, 07 अप्रैलमासः (हि.स.)।
दिल्ली-स्थिते पटियाला-हाउस-न्यायालयेन संसद-सुरक्षा-च्युत्याः चतुर्णां आरोपितानां न्यायिक-हिरासतः ११ अप्रैल-पर्यन्तं वर्धिता। न्यायालयेन अस्मिन् विषये आरोपिता नीलम-आजाद-विरुद्धं आरोप-निर्धारण-विषये ११ अप्रैल-दिने श्रवणस्य आदेशः अपि दत्तः।
मङ्गलवासरे नीलम-आजाद-पक्षतः प्रस्तुतः अधिवक्ता बीएस-मलिक आंशिकरूपेण मौखिक-तर्कान् प्रस्तुतवान्। अद्यतन-श्रवणे अस्य प्रकरणस्य सर्वे आरोपिताः न्यायालये उपस्थिताः आसन्।
अस्मिन् प्रकरणे १३ मार्च-दिने दिल्ली-उच्च-न्यायालयेन नीलम-आजादायाः जमानत-शर्तेषु परिवर्तनं कृत्वा तस्यै स्वगृहे हरियाणा-राज्यस्य जींद-जिले वासस्य अनुमतिः दत्ता। उच्च-न्यायालयेन आदेशः दत्तः यत् सा प्रतिमासं पञ्चदशी-दिने सम्बद्धपरिशीलनस्य अधिकारी समक्षं उपस्थितिं दर्शयेत्।
पूर्वं २ जुलाई २०२५-दिने दिल्ली-उच्च-न्यायालयेन द्वयोः आरोपितयोः नीलम-आजाद तथा महेश-कुमावत इत्येतयोः जमानत् अनुमता आसीत्।
दिल्ली-पुलिसदलेन अस्मिन् प्रकरणे १५ जुलाई २०२४-दिने पूरक-आरोपपत्रं समर्पितम्। आरोपितानां विरुद्धं भारतीय-दण्ड-संहितायाः धारा १८६, ३५३, १५३, ४५२, २०१, ३४, १२०बी तथा यूएपीए-अधिनियमस्य धारा १३, १६, १८ अन्तर्गतं अभियोगाः स्थापिताः। पूर्वं ७ जून २०२४-दिने प्रथमम् आरोपपत्रं दत्तम्, यत् सहस्र-पृष्ठ-परिमितम् आसीत्।
दिल्ली-पुलिसेन मनोरंजन-डी, ललित-झा, अमोल-शिंदे, महेश-कुमावत, सागर-शर्मा तथा नीलम-आजाद इत्येतेषां विरुद्धं यूएपीए-अधिनियमस्य अन्तर्गतं आरोपपत्रं समर्पितम्।
एषा घटना १३ दिसंबर २०२३-दिने अभवत्, यदा संसद-भवनस्य दर्शक-दीर्घायाः द्वौ आरोपितौ सभा-कक्षे अवप्लुतौ। ततः किञ्चित्कालानन्तरं एकः आरोपितः मेजोपरी गच्छन् स्वपादत्राणात् किञ्चित् निष्कास्य पीत-वर्ण-धूमं उत्पादितवान्। अस्य घटनायाः अनन्तरं सभायां महती अफरा-तफरी जाता।
धूम-कोलाहलयोः मध्ये केचन सांसदाः तौ युवानौ गृहीत्वा तयोः प्रहारं अपि कृतवन्तः। अनन्तरं सुरक्षाकर्मिणः तौ नियन्त्रणं कृत्वा गृहीतवन्तः। संसद-भवनस्य बहिः अपि द्वौ व्यक्ती गृहीतौ, यौ घोषणां कुर्वन्तौ पीत-वर्ण-धूमं विसृजतः आसताम्।
---------------
हिन्दुस्थान समाचार