Enter your Email Address to subscribe to our newsletters
बरेली, 07 अप्रैलमासः (हि.स.) ।उत्तरप्रदेशस्य बरेलीजनपदस्य कम्पोजिटविद्यालये केसरपुरे मङ्गलवासरे ‘स्कूल चलो अभियान’, पुस्तकवितरणं तथा शिक्षा-चौपाल-कार्यक्रमस्य आयोजनम् अभवत्।
अस्मिन् कार्यक्रमे जिला-पञ्चायत-अध्यक्षा रश्मि पटेल मुख्य-अतिथिरूपेण तथा जिला-बेसिक-शिक्षा-अधिकारिणी विनीता विशिष्ट-अतिथिरूपेण उपस्थिते अभवताम्। कार्यक्रमस्य अध्यक्षता खण्ड-शिक्षा-अधिकारी विजयकुमारः अकरोत्।
कार्यक्रमस्य शुभारम्भः माता सरस्वत्याः प्रतिमायां माल्यार्पणेन दीपप्रज्वलनेन च अभवत्। ततः अनन्तरं बालकैः सरस्वती-वन्दना प्रस्तुताऽभवत्। खण्ड-शिक्षा-अधिकारी विजयकुमारः कार्यक्रमस्य रूपरेखां प्रस्तूय अतिथीनां स्वागतं कृतवान्।
अस्मिन् अवसरे विद्यालय-परिसरे अनेकाः गतिविधयः आयोजिताः। आङ्गनवाडी-नवकक्षस्य उद्घाटनं कृतम्। परिसरे वृक्षारोपणम् अपि अभवत्। बालकेभ्यः नूतनाः पुस्तकाः वितरिताः तथा ‘स्कूल चलो अभियान’-रैली अतिथिभिः हरितध्वजेन प्रेषिता। अस्या रल्याः माध्यमेन ग्रामवासिनः बालकानां नामांकनं कर्तुं तथा नियमितरूपेण विद्यालयं प्रेषयितुं प्रेरिताः।
कार्यक्रमस्य अन्ते विद्यालयस्य प्रधानाध्यापकः सर्वेषां अतिथीनां सहभागिनां च आभारं व्यक्तवान्। संचालनं के पी सिंहेन कृतम्।
अस्मिन् अवसर्रे एकेडमिक-रिसोर्स-पर्सन सौरभ शुक्ला, नम्रता वर्मा, पवन मिश्रः, विनीत शुक्लः, राममोहन तिवारी, नरेन्द्रप्रताप गंगवारो, जितेन्द्र गंगवारो, रविन्द्र यादवो, राजेन्द्र गंगवार इत्यादयः बहवः शिक्षकाः शिक्षिकाः अभिभावकाः च उपस्थिताः आसन्।--------------
हिन्दुस्थान समाचार