Enter your Email Address to subscribe to our newsletters
चंडीगढम्, 07 अप्रैलमासः (हि.स.)।
पूर्वक्रीडकः तथा पञ्जाबकाङ्ग्रेसदलस्य पूर्वाध्यक्षः नवजोत सिंह सिद्धूः तस्य पत्नी डॉ. नवजोत कौर सिद्धू नूतनस्य राजनैतिकदलस्य गठनम् उद्घोषितवती। नवजोत कौर सिद्धू स्वस्य ‘एक्स्’ सञ्चारमाध्यमे ‘भारतीय राष्ट्रवादी पार्टी’ इत्यस्य गठनस्य उद्घोषणां कृतवती। अस्मिन् महत्वपूर्णनिर्णये नवजोत सिंह सिद्धू तस्या सह नासीत्। सः अद्यत्वे क्रिकेटक्रीडायाः टिप्पणीकार्ये व्यस्तः अस्ति।
डॉ. नवजोत कौर सिद्धू पञ्जाबराज्ये मुख्यसंसदीयसचिवा आसीत्। सा स्वपत्न्या सह काङ्ग्रेस्-दले अपि सक्रियतया कार्यं कृतवती। सा स्वस्य दलस्य उद्घोषणां विनैव कोलाहलेन कृतवती। सोमवासरे रात्रौ ‘एक्स्’ माध्यमेन एषा सूचना प्रदत्ता।
स्वस्य सन्देशे सा अलिखत् यत् या घोषणा दीर्घकालात् अपेक्षिता आसीत्, सा अधुना प्रकाशिता। वयं वर्तमानराजनीतिनेतॄणां कार्यप्रणाल्याः सूक्ष्मतया निरीक्षणं कृत्वा राष्ट्रियस्तरे नूतनविकल्पस्य निर्माणे प्रवृत्ताः स्मः। वयं केवलं स्वजीवनं देशाय समर्पयितुम् इच्छामः, तथा जनानां यथार्थतया यत् अधिकारः अस्ति तत् प्रतिदातुम् इच्छामः।
एषः कश्चन दैवीयप्रभावः अस्ति येन समानविचारधारायुक्ताः जनाः एकत्र आगताः। एतेषां लक्ष्यं न्यायं शान्तिं च प्रदातुम्, प्रेम्णा सह उच्चचेतनायाः ऊर्जया कार्यं कर्तुम् अस्ति, तथा यत् ‘वाहेगुरुजी’ अस्मभ्यं अपेक्षन्ति तत् साधयितुम्।
वयं पञ्जाबराज्यं तस्य पूर्ववैभवं पुनः प्रापयितुम् प्रयतिष्यामः। तत् राज्यं यत्र जनाः प्रेम्णा सह वसन्ति, न्यायं, स्वातन्त्र्यम्, तथा स्वतन्त्रतायाः शक्तिं जानन्ति। यत्र जनाः निष्कपटसेवया आध्यात्मिकविकासेन च स्वलक्ष्यानि साधयन्ति।
एषा शासनप्रणाली जनानां कृते, जनैः, जनानामेव भविष्यति। वयं आध्यात्मिकगुरूणां साहाय्येन जनानां पीडितानां आत्मानां शान्तिं दास्यामः, तथा ‘सत्य’ ‘प्रेम’ इत्येतयोः मार्गेण गमिष्यामः, यः स्वयं ‘वाहेगुरुजी’ इत्यस्य भाषा अस्ति।
---------------
हिन्दुस्थान समाचार