Enter your Email Address to subscribe to our newsletters
आगरानगरे डॉ.-भीमराव-अम्बेडकरस्य १३५तम-जयन्त्याः अवसरे १४ अप्रैलमासे परम्परानुसारं भव्य-शोभायात्रा आयोजिता भविष्यति। अनन्तरं १५तः १७ अप्रैल-पर्यन्तं त्रिदिवसीया “भीम-नगरी” कार्यक्रमाः आयोज्यन्ते, यत्र विविध-सांस्कृतिक-सामाजिक-कार्यक्रमाः भविष्यन्ति।
आयोजन-समित्या उक्तं यत् अस्य वर्षस्य भीम-नगरी-मुख्य-मञ्चः सम्राट-अशोकस्य प्रासाद-प्रतिरूपेण निर्मीयते, यस्योन्नतिः प्रायः १००-फुट्, विस्तारः ३००-फुट् च भविष्यति। १५ अप्रैलमासे उद्घाटनं भविष्यति, १६ अप्रैलमासे १०१-दम्पत्योः सामूहिक-विवाहः, १७ अप्रैलमासे मेधावी-छात्र-छात्राणां सम्मानम् अन्ये कार्यक्रमाश्च आयोजिताः भविष्यन्ति।
१९५७ वर्षात् आरभ्य आगरानगरे शोभायात्रा निर्गच्छति।
डॉ.-अम्बेडकरस्य अनुयायिनां मध्ये बाबा-साहेबं प्रति अटूट-आस्थायाः प्रतीकत्वेन एषा शोभायात्रा परम्परारूपेण १९५७ वर्षात् आरभ्य निरन्तरं प्रचलिता अस्ति। १९९६ वर्षात् आरभ्य अस्याम् आगरानगरस्य राम-वरयात्रा-परम्परायाः पक्षे “भीम-नगरी” कार्यक्रमः अपि आयोजितः।
हिन्दुस्थान समाचार / अंशु गुप्ता