मैहरनगरम्, ०८ अप्रैलमासः (हि.स.)। मध्यप्रदेश-सर्वकारस्य नगरीय-विकास-आवास-मन्त्री कैलाश-विजयवर्गीयः बुधवासरे माता-शारदा-शक्तिपीठं प्राप्तवान्, विधि-विधानपूर्वकं पूजार्चनां च कृतवान्। तस्य आगमने मन्दिर-परिसरे श्रद्धालूनां सम्मर्दः समुपजगाम, “जय माता दी” इति घोषैः वातावरणं भक्तिमयं जातम्।मन्त्री विजयवर्गीयः माता-शारदायाः चरणयोः प्रदेशस्य सुख-समृद्धेः, शान्तेः जनकल्याणस्य च कामनां कृत्वा विशेष-पूजाम् अकरोत्। एषा पूजा मन्दिरस्य पूजारिणोः नितिन-पाण्डेयस्य सुमित-पाण्डेयस्य च उपस्थितौ सम्पन्ना।

ज्ञातव्यं यत् मन्त्री कैलाश-विजयवर्गीयः बुधवासरे प्रातः रेवाञ्चल-एक्सप्रेस-याननेन मैहरं प्राप्तवान्। तत्र माता-शारदा-शक्तिपीठे विधिवत् पूजार्चना कृता।अस्मिन् अवसरे श्रीकान्त-चतुर्वेदी, भाजपा-जनपदाध्यक्षः कमलेश-सुहाने, कुलदीप-तिवारी, प्रकाश-तिवारी इत्यादयः बहवः भाजपा-कार्यकर्तारः श्रद्धालवश्च उपस्थिताः आसन्। मन्त्रिणः आगमनं दृष्ट्वा सुरक्षा-व्यवस्था अपि सुदृढा आसीत्।

प्रवासे तडागेषु वर्धमान-अतिक्रमणस्य विषयः अपि मन्त्रिणः समक्षं उत्थापितः। ये तडागाः पूर्वं नगरस्य परिचयः जल-संरक्षणस्य प्रमुख-स्रोतांसि च आसन्, ते शनैः शनैः अतिक्रमणेन स्व-अस्तित्वं नाशयन्ति इति उक्तम्।

विषयस्य उत्थापनानन्तरं स्थानीय-जनाः प्रशासनस्य अग्रिम-कार्यवाह्याः प्रतीक्षां कुर्वन्ति। मन्त्रिणः अस्मिन् प्रवासे धार्मिक-आस्थया सह स्थानीय-समस्याः प्रति ध्यानाकर्षणस्य दृष्ट्या अपि महत्त्वपूर्णः इति मन्यते।

हिन्दुस्थान समाचार / अंशु गुप्ता