Enter your Email Address to subscribe to our newsletters
काठमांडूः, 08 अप्रैलमासः (हि.स.)।
नेपालदेशस्य प्रधानमन्त्री बालेन्द्र शाहोऽद्य काठमाण्डू-नगरे नियुक्ताः प्रायः विंशतिदेशानां राजदूतान् सह सामूहिकसंवादं करिष्यति। सरकारनिर्माणानन्तरम् एतत् प्रथमवारं यदा विभिन्नदेशानां राजदूताः सामूहिकरूपेण बालेन्द्र-सरकारेण सह उपवेशनंकर्तुं आगच्छन्ति।
अस्मिन् समूहसंवादे नेपालस्य विदेशमन्त्री शिशिर खनालोऽपि सहभागी भविष्यति। विदेशमन्त्रालयेन उक्तं यत् अस्याः बैठकायाः उद्देश्यः नेपालस्य अद्यतनराजनीतिस्थितेः तथा सरकारस्य प्राथमिकतानां विषये अन्ताराष्ट्रियसमुदायं अवगतं कर्तुम् अस्ति।
प्रधानमन्त्री-सचिवालयस्य अनुसारेण अस्य चर्चायाः कृते भारत, चीन, अमेरिका, जापान तथा ब्रिटेन सहित द्वादशाधिकदेशानां राजदूताः प्रधानमन्त्रीकार्यालये आमन्त्रिताः सन्ति।
पदभारग्रहणानन्तरं प्रधानमन्त्री शाहेन विदेशप्रतिनिधिभिः सह व्यक्तिगतभेटाः न कृताः, यद्यपि पारम्परिकशिष्टाचारभेटार्थं पुनःपुनः अनुरोधाः कृताः आसन्। सामान्यतः नूतनप्रधानमन्त्री पदग्रहणात् कतिपयदिनेषु एव राजदूतान् पृथक्पृथक् स्वकार्यालये वा निवासे आमन्त्रयन्ति यत् अतीव औपचारिकतायाः कारणेन प्रायः आलोचनां प्राप्नोति।
प्रधानमन्त्रिणः राजनीतिकपरामर्शकः असीम शाहः उक्तवान् यद् पूर्वं राजदूतानां अत्यधिकागमनगमनम् तथा सामान्यकूटनीतिकमर्यादातः अपि अधिका सुलभप्रवेशव्यवस्था आसीत्। अस्मिन् समये सा परम्परा समाप्ता करिष्यते।” सः अपि उक्तवान् यद् “विदेशमन्त्री शिशिर खनालस्य उपस्थितौ अयं समूहसंवादः कूटनीतिकसहभागितायाः कृते नूतनं मानकं स्थापयितुं प्रयासः अस्ति।
---------------
हिन्दुस्थान समाचार