Enter your Email Address to subscribe to our newsletters
गंगटोकम्, 9 अप्रैलमासः (हि.स.)।
भारतीयसेनायाः त्रिशक्तिकोरः उत्तरे सिक्किमप्रदेशस्य लाचेन-प्रदेशे अवरुद्धान् पर्यटकान् उद्धर्तुं ‘हिमसेतु-अभियानम्’ आरब्धवान्। भूस्खलनकारणेन उत्तरे सिक्किमप्रदेशे लाचेन-चुङ्थाङ्गयोः मध्ये मार्गसंपर्कः बाधितः जातः, येन क्षेत्रे यातायातः प्रभावितः अस्ति। अस्य परिस्थितेः परिप्रेक्ष्ये भारतीयसेनायाः पूर्वी-कमानस्य अधीनः त्रिशक्तिकोरः ‘हिमसेतु-अभियानेन’ शीघ्रं प्रत्युत्तरं दत्तवान्, यस्य उद्देशः गमनागमनस्य पुनर्स्थापनं तथा च अवरुद्धानां पर्यटकानां उद्धारः अस्ति।
सेनायाः जनसम्पर्क-अधिकारी अद्य प्रकाशिते वक्तव्ये उक्तवान् यत् दुष्कर-वातावरणस्य तथा च प्रबल-हिमवर्षायाः अपि सैनिकाः महत्त्वपूर्णान् मार्गान् उद्घाटितवन्तः, उद्धारकार्यं सुलभं कर्तुं वैकल्पिकमार्गानाम् अपि संचालनं कृतवन्तः। सीमा-सड़क-संगठनम् त्रिशक्तिकोरस्य सैनिकैः सह समन्वयं कृत्वा निरन्तरं मार्गान् शुद्धीकुर्वन्, हिमनिष्कासनं कृत्वा दुष्कर-भौगोलिक-स्थितौ मार्गसंपर्कं पुनर्स्थापयति।
उद्धार-अभियानं चरणबद्ध-रीत्या प्रवर्तते। अद्यपर्यन्तं १३५ पर्यटकाः सुरक्षिततया उद्धृताः, तथा च ३२ लघु-वाहनानि १० द्विचक्रवाहनानि च निष्कासितानि। वक्तव्ये उक्तं यत् भारतीयसेना नागरिक-प्रशासनेन सह समन्वयं कृत्वा परिस्थित्यानुसारं स्थले एव साहाय्यं, आरोग्यसेवाः तथा च निष्क्रमण-व्यवस्थां प्रदातुं सक्रियतया प्रवृत्ता अस्ति।
अधुना प्रायः १००० पर्यटकाः लाचेन-प्रदेशे सन्ति, तेषां सुरक्षित-निर्गमनाय निरन्तरं प्रयासाः क्रियन्ते। सेनायाः एकः अधिकारी उक्तवान्—‘प्रत्येकस्य नागरिकस्य सुरक्षा तथा कल्याणम् अस्माकं प्रमुख-प्राथमिकता अस्ति। अस्माकं दलं स्थले एव सर्वप्रकारेण आवश्यकसहाय्यं दातुं प्रतिबद्धम् अस्ति।’
दुष्कर-हिमाच्छन्न-उच्च-मार्गेषु नागरिक-वाहनानां उद्धारणाय सेनायाः वाहनानि उपयुज्यन्ते। आरोग्य-आपत्कालीन-स्थितिषु तथा च अन्येषु साहाय्य-आवश्यकतासु नागरिकाः प्राथमिकतया निष्कास्यन्ते।
---------------
हिन्दुस्थान समाचार