नव दिल्ली, 09 अप्रैलमासः (हि.स.)।

राष्ट्रपतिः द्रौपदी मुर्मु गुरुवासरे उक्तवती यत् पर्यावरणसंरक्षणाय सर्वैः नागरिकैः पञ्चभूतानां पवित्रसन्तुलनं बोधनीयम् अस्ति। अद्य राष्ट्रपतिभवने तस्यै ‘वृक्ष वेदम् 2.0’ नामकं पुस्तकं समर्पितम्। अस्य पुस्तकस्य लेखकः पूर्वसांसदः तथा ‘ग्रीन इण्डिया चैलेंज’ इत्यस्य संस्थापकः जोगिनपल्ली संतोष कुमारः अस्ति। अयं अवसरः भारतस्य प्राचीनपर्यावरणचेतनायाः आधुनिकहरितआन्दोलनस्य च संगमस्य प्रतीकः अभवत्।

अस्य पुस्तकस्य मुख्यः उद्देश्यः अस्ति यत् भारतस्य प्राचीनवेदोपनिषद्परम्परायां निहितं पर्यावरणज्ञानं अद्यापि तावत् एव प्रासंगिकम् अस्ति यावत् तत् पूर्वं आसीत्। एतत् ज्ञानं आधुनिकपर्यावरणसमस्याः समाधानाय प्रभावी उपायान् प्रदर्शयति।

सा वर्तमानकालं अमृतकालः (अवसराणां स्वर्णयुगः) तथा आपद्कालः (संकटकालः) इति उभयथा अवर्णयत्। राष्ट्रपतिः उक्तवती यत् मानवता अद्य लोभस्य अतिउपभोगस्य च कारणेन प्रकृतेः दूरं गच्छति तथा पञ्चभूतानाम्—आकाश, वायु, अग्नि, जल, पृथ्वी—एतेषां पवित्रसन्तुलनं विस्मरति। प्रत्येकः मनुष्यः एतेभ्यः पञ्चभूतेभ्यः निर्मितः अस्ति तथा अन्ते तेष्वेव विलीयते। अतः आवश्यकम् अस्ति यत् वयं प्रकृतेः सह स्वस्य गाढसम्बन्धं बोधेम तथा “आध्यात्मिकबुद्धिमत्ता” माध्यमेन पर्यावरणसंरक्षणं स्वजीवने समावेशयेम।

सा अस्मिन् पुस्तके उल्लिखितां पङ्क्तिं—धरतीं प्रति हरियाली एवं जीवनस्य आधारोऽस्ति)—इत्यस्य उल्लेखं कृत्वा आशां व्यक्तवती यत् ‘ग्रीन इण्डिया चैलेंज’ देशव्यापि सकारात्मकपरिवर्तनं जनयिष्यति। अस्य अभियानस्य माध्यमेन गताः अष्टवर्षेषु प्रायः 19.6 कोटिपौधरोपणं कृतम्, यत् अत्यन्तं अद्वितीयम् अस्ति।

सा आह्वानं कृतवती यत् प्रत्येकः नागरिकः प्रकृतेः सह स्वस्य अविच्छिन्नसम्बन्धं ज्ञात्वा पर्यावरणसंरक्षणे, जैवविविधतारक्षणे तथा आगामिपीढीनां सुरक्षितभविष्यनिश्चित्यर्थं सक्रियभूमिकां निर्वहेत्।

अभियानस्य अन्तर्गतं बहवः उल्लेखनीयाः उपक्रमाः कृताः। तेषु तेलंगाणायां आरक्षितवनानां पुनरुद्धारः, पश्चिमबङ्गस्य सुन्दरबने २०,००० मङ्ग्रोववृक्षाणां रोपणम्, तथा ‘कोटिवृक्षार्चना’ (एककोटिवृक्षपूजनम्) कार्यक्रमः अन्तर्भवन्ति।

अस्मिन् अवसरे सांसद् के.आर. सुरेश रेड्डी, वद्दिराजु रविचन्द्र, सांसद् बी. पार्थसारथि रेड्डी, पूर्वसांसदः तथा ‘ग्रीन इण्डिया चैलेंज’ संस्थापकः जोगिनपल्ली संतोष कुमारः, ‘इग्नाइटिङ्ग माइण्ड्स ऑर्गनाइजेशन’ संस्थापकः एम्. करुणाकर रेड्डी, ‘ग्रीन इण्डिया चैलेंज’ सहसंस्थापकः संजीवुला राघवेन्द्रः च अन्ये बहवः विशिष्टजनाः उपस्थिताः आसन्।

उल्लेखनीयम् अस्ति यत् ‘ग्रीन इण्डिया चैलेंज’ इत्यस्य आरम्भः १७ जुलाई २०१८ दिनाङ्के “हरा है तो भरा है” इति संदेशेन सह अभवत्। एतदभियानं तेलंगाणासर्वकारस्य ‘हरित हरम’ कार्यक्रमात् प्रेरितम्, यस्य आरम्भः २०१५ तमे वर्षे कृतः। हैदराबादतः आरब्धम् एतदभियानं अद्य राष्ट्रीय-अन्ताराष्ट्रियस्तरे अपि विस्तृतम् अस्ति, यस्मिन् सामान्यजनात् आरभ्य उद्योगपतयः, राजनीतिज्ञाः, चलचित्रकलाकाराः च सक्रियतया सहभागिनो भवन्ति।

------------

हिन्दुस्थान समाचार