Enter your Email Address to subscribe to our newsletters
बांकुड़ा, 08 अप्रैलमासः (हि.स.)।
बांकुड़ा विधानसभाक्षेत्रात् एसयूसीआई-दलस्य अभ्यर्थिनी लीना घोषस्य राजनैतिकजीवनयात्रा संघर्षैः चुनौतीभिः च परिपूर्णा अस्ति। हिन्दुस्थानसमाचारसंस्थायै दत्तायां वार्तायां लीना घोष स्वजीवनस्य राजनैतिकयात्रायाः च विषये अनेकानि रोचकानि विवरणानि अवदत्।
एकादशकक्षायां अध्ययनसमये छात्रराजनीतिविषये अध्यापकेन पृष्टे प्रश्ने “आम्” इति उत्तरं दातुं सा एकैव आसीत्, तस्मात् एव सा राजनैतिकमार्गे प्रवृत्ता अभवत्।
लीना घोष धनबादे जाता, किन्तु बाल्ये एव सा मातृसहितं बांकुड़ाजनपदस्य जयपुरथानाक्षेत्रस्य काशीपुरग्रामं प्रति आगता। तत्रैव तया प्रारम्भिकशिक्षा प्राप्ता। उच्चशिक्षार्थं सा बांकुड़ाजनपदे स्थिते सारदामणि महिला महाविद्यालये प्रवेशं कृतवती। छात्रजीवने एव तया एसयूसीआई-सम्बद्धेन डीएसओ छात्रसंगठनेन माध्यमेन महाविद्यालयछात्रसंघनिर्वाचनेषु सहभागिता कृता, किन्तु त्रिवर्षपर्यन्तं विजयः न प्राप्तः।
तस्याः मातापितरौ अपि दीर्घकालात् एसयूसीआई-दले सम्बद्धौ आस्ताम्, तयोः प्रभावेन लीना अपि तस्मिन् दले संलग्ना अभवत्। विवाहपरिवारयोः दायित्वानां मध्ये अपि सा श्रमिकआन्दोलनिषु सक्रियतया भागं गृह्णाति। वर्तमानकाले सा पश्चिमबङ्गाल-आशाकर्मी-संघस्य जिलासभानेत्रीपदे कार्यरताऽस्ति।
लीना घोष उक्तवती यत् तस्याः उद्देश्यं शिक्षा, स्वास्थ्य, विद्युत्, मूल्यवृद्धिः इत्यादिषु सामान्यजनसमस्यासु निरन्तरं संघर्षं कर्तुम् अस्ति। सा अवदत्— “वयं वर्षपर्यन्तं आन्दोलनमार्गे एव स्थिताः स्मः। अस्माकं प्रयासेन प्राथमिकविद्यालयेषु अङ्ग्रेजीशिक्षा प्रवर्तिता, अद्यापि च अस्मिन् राज्ये स्मार्टमीटर पूर्णतया न स्थापितः।”
सा ग्रामीणनगरीयक्षेत्रयोः सक्रियतया जनैः सह सम्बद्धा अस्ति, अधुना अपि बांकुड़ा विधानसभाक्षेत्रे निर्वाचनप्रचारे जनहिताय स्थिताऽस्ति। तस्याः सम्मुखे भाजपा-दलस्य नीलाद्रि शेखर दाना तथा तृणमूल-दलस्य शम्पा दरिपा प्रतिस्पर्धायाम् स्तः।
बांकुड़ा विधानसभाक्षेत्रं बांकुड़ा लोकसभाक्षेत्रस्य अङ्गं अस्ति, अस्मिन् बांकुड़ा नगरपालिका तथा बांकुड़ा-एक खण्डः अन्तर्भवतः। अस्य क्षेत्रस्य राजनैतिकइतिहासः अतीव रोचकः अस्ति।
१९७७ तः २००६ पर्यन्तं एतत् क्षेत्रं वामपन्थिनां दृढगढः आसीत्, यत्र पार्थ दे दीर्घकालं विधायकः तथा राज्यस्य मन्त्री आसीत्।
२०११ वर्षे तृणमूल-कांग्रेस-दलेन अस्मिन् क्षेत्रे प्रभावः स्थापितः, तेन काशीनाथ मिश्रः विजयी अभवत्। २०१६ वर्षे शम्पा दरिपा (तृणमूल-समर्थिता कांग्रेस) विजयं प्राप्तवती। २०२१ विधानसभानिर्वाचने भाजपा-दलस्य नीलाद्रि शेखर दाना विजयी अभवत्।
अस्मिन् क्षेत्रे दीर्घकालात् कांग्रेसदलस्य तथा वामपन्थिनां मध्ये कठोरस्पर्धा दृश्यते, किन्तु अद्यतनवर्षेषु तृणमूल-कांग्रेस तथा भाजपा-दलयोः प्रभावः अधिकः अभवत्।
२०२१ निर्वाचनपरिणामानुसारं नीलाद्रि शेखर दाना ९५,४६६ मतानि प्राप्तवान्, तृणमूल-कांग्रेसस्य सयांतीका बनर्जी ९३,९९८ मतानि, तथा कांग्रेसस्य राधारानी बनर्जी १३,७६४ मतानि प्राप्तवन्त्यः।
---------------
हिन्दुस्थान समाचार