Enter your Email Address to subscribe to our newsletters
नव दिल्ली, 01 मईमासः (हि.स.)।
आगामिनि जुलाईमासे भारतस्य बीआर आईसीएस-अध्यक्षतायाः अन्तर्गतं भविष्यन्त्याः महिला-कार्यसमूहस्य सभायाः आयोजनसम्बद्धतया शुक्रवासरे महिला एवं बाल विकास मंत्रालय-द्वारा प्रथमं तयारी-समागमः आयोजितः। अस्मिन् समागमे महिलानां नेतृत्वेन सञ्चालितविकासस्य विषये विशेषं बलं दत्तम्।
बीआर आईसीएस-महिला-कार्यसमूहस्य एषा प्रथम-सज्जा-सभा आभासी-माध्यमेन (वर्चुअलरूपेण) सम्पन्ना। अस्मिन् समागमेबीआर आईसीएस-देशानां प्रतिनिधिभिः सह भारत-सरकारस्य विभिन्न-मन्त्रालयानां विभागानां च प्रमुख-अधिकारिणः सहभागीभूताः। अनवूमेन तथा एफ आइसीसीआइ इत्यादयः सहकारिताः अपि अस्मिन् सम्मिलिताः।
अस्याः सभायाः अध्यक्षता मन्त्रालयस्य अतिरिक्त-सचिवा कैरालिन खोंगवार देशमुख कृतवती। तया सर्वान् प्रतिनिधीन् स्वागतं कृत्वा चर्चायाः रूपरेखा प्रस्तुतिता।
मन्त्रालयेन प्रदत्ते वक्तव्ये उक्तं यत् भारतस्य BRICS-अध्यक्षतायाः विषयः— “लचीलता, नवाचारः, सहयोगः, सततता च”— इत्यस्य अनुरूपेण महिलासम्बद्धेषु वैश्विकविषयेषु गम्भीरचर्चा अभवत्। चतुर्षु प्रमुखक्षेत्रेषु विशेषध्यानं दत्तम्— शासननेतृत्वयोः महिलानां सहभागिता, वित्तीय-डिजिटल-समावेशनम्, महिला-उद्यमिता-कौशलविकासः, तथा च जलवायु-कार्यवाही, खाद्यसुरक्षा, पोषणे च महिलानां भूमिका।
अस्मिन् समागमे भारतेन महिलाः आर्थिकविकासस्य, सुशासनस्य, सामाजिकपरिवर्तनस्य च प्रमुखाधारः इति मन्यते स्म, तथा च महिला-नेतृत्व-विकासे स्वप्रतिबद्धता पुनरुक्ता। BRICS-सदस्यदेशैः भारतस्य अध्यक्षता स्वागतिता, प्रस्तावितप्राथमिकतासु समर्थनं दत्त्वा सहयोगवृद्धौ बलं दत्तम्।
उल्लेखनीयम् यत् अस्मिन् समागमे अभवत् या चर्चा, सा आगामिन्याः BRICS-महिला-कार्यसमूह-सभायाः (६–७ जुलै २०२६) तथा BRICS-महिला-मन्त्रिस्तरीय-सभायाः (८–९ जुलै २०२६) मार्गदर्शिका भविष्यति, या कोच्चि, केरल इत्यत्र आयोजिता भविष्यति।
-----------
हिन्दुस्थान समाचार