Enter your Email Address to subscribe to our newsletters
नव-दिल्ली, ०१ मईमासः (हि.स.)। दिल्ली-आरक्षकेण प्रौद्योगिकी-आधारित-आरक्षणे तथा डिजिटल-दत्तांश-प्रबन्धने पुनरपि देशव्यापि स्व-श्रेष्ठता स्थापितवती। दिल्ली-आरक्षकेण ‘सीसीटीएनएस-प्रगति-डैशबोर्ड’ इत्यत्र १०० प्रतिशतं गुणाङ्कं प्राप्य सर्वेषु राज्येषु केन्द्रशासित-प्रदेशेषु च प्रथम-स्थानं प्राप्तम्। एषा निरन्तरं षष्ठवारं या दिल्ली-आरक्षकेण एषा सिद्धिः प्राप्ता। अस्मात् पूर्वम् अपि सा अक्टूबर, नवम्बर, दिसम्बर २०२५ मासेषु निरन्तरं १०० प्रतिशत-गुणाङ्केन शीर्षस्थाने आसीत्। अनन्तरं जनवरी, फरवरी तथा अधुना मार्च २०२६ मासेषु अपि प्रथम-स्थानं धारयन्ती डिजिटल-आरक्षणे उत्कृष्ट-प्रदर्शनं प्रदर्शितम्।
आरक्षक-मुख्यालयात् शुक्रवासरे प्राप्त-सूचनानुसारं गृह-मन्त्रालयेन तथा राष्ट्रीय-अपराध-अभिलेख-ब्यूरो (एनसीआरबी) इत्यनेन पर्यवेक्षिते अस्मिन् प्रगति-डैशबोर्ड-मध्ये राज्य-केन्द्रशासित-प्रदेशानां मूल्याङ्कनं दत्तांशस्य गुणवत्ता, परिमाणं, समयबद्धता तथा शुद्धता-आधारेण क्रियते।
अस्मिन् ‘सीसीटीएनएस’ अन्तर्गतं आरक्षक-थानानां संयोजकता, आपत्काल-पुनर्प्राप्ति-केन्द्रम् (डिजास्टर-रिकवरी-सेन्टर), मुख्य-अनुप्रयोग-मॉड्यूल इत्यत्र दत्तांश-प्रविष्टिः, पुरातन-अभिलेखानां डिजिटलीकरणम्, प्राथमिकी (एफआईआर)-इत्यस्य इलेक्ट्रॉनिक-न्यायालय-प्रेषणम्, नागरिक-सेवाः तथा ‘आईसीजेएस’ समीक्षा-सभाः इत्यादयः मानकाः समाविष्टाः सन्ति।
आरक्षकेण उक्तं यत् अस्याम् उपलब्धौ अपराध-शाखायाः ‘सीसीटीएनएस’-दलस्य महत्त्वपूर्णा भूमिका आसीत्। अनेन दलनेन दत्तांश-गुणवत्तायाः सतत-निरीक्षणं, जनपदानां थानानां च सह त्वरित-समन्वयः, तकनीकी-प्रक्रियात्मक-समस्याः समये समाधानम् तथा नियमित-प्रशिक्षणेन प्रणाली दृढी कृता।
सर्वेषां आरक्षक-जनपदानां सक्रिय-सहभागिता तथा समयबद्ध-अभिलेख-अद्यतनम् अपि अस्याः सफलतायाः प्रमुखं कारणम् अभवत्। अन्वेषण-अभिलेखानां सम्यक् समये च डिजिटलीकरणं तथा तकनीकी-दलैः सह सम्यक् समन्वयः दिल्ली-आरक्षकविभागेन शीर्ष-स्थानं धारयितुं साहाय्यं कृतवान्।
हिन्दुस्थान समाचार / अंशु गुप्ता