देहरादून-नगरम्, ०१ मईमासः (हि.स.)। राज्यपालः लेफ्टिनेन्ट्-जनरल-गुरमीत-सिंहः तथा मुख्यमन्त्री पुष्कर-सिंह-धामी भगवतः बुद्धस्य जन्म-ज्ञान-प्राप्ति-महापरिनिर्वाण-रूपायाः त्रिविध-पावन-तिथेः बुद्ध-पूर्णिमा-अवसरे सर्वेषां प्रदेशवासिनः प्रति शुभाशंसाः अयच्छताम्।

राज्यपालः लेफ्टिनेन्ट्-जनरल-गुरमीत-सिंहः स्वसन्देशे अवदत् यत् भगवतः बुद्धस्य सत्य-अहिंसा-दया-करुणा-सम्बद्धाः संदेशाः अद्यतन-युगेऽपि अधिकं प्रासंगिकाः सन्ति। तस्य विचाराः मानवतायाः सेवायै परस्पर-सौहार्दस्य च प्रेरणां ददति। सः आशां व्यक्तवान् यत् बुद्धेन दर्शितं मार्गम् अनुसृत्य समाजे शान्तिः, सहिष्णुता तथा लोक-कल्याण-भावना अधिकं सुदृढा भविष्यति। अस्मिन् पावन-पर्वणि राज्यपालः सर्वेषां प्रदेशवासिनां सुख-समृद्धि-उत्तम-स्वास्थ्यस्य च मंगलकामनां कृतवान्।

मुख्यमन्त्री पुष्कर-सिंह-धामी अपि स्वसन्देशे अवदत् यत् महात्मनः बुद्धस्य अहिंसा-करुणा-शान्ति-सम्बद्धः संदेशः सम्पूर्ण-मानवजात्यै अमूल्या निधिः अस्ति। सः अवदत् यत् महात्मनः बुद्धस्य शिक्षाः जीवनस्य नैतिक-मूल्येषु तथा स्वकर्तव्येषु जागरूकतां जनयन्ति। महात्मना बुद्धेन विश्व-कल्याणाय मैत्री-भावनायाः तथा निर्विशेषतया एकत्रित-जीवनस्य महत्त्वं प्रतिपादितम्। मानव-मात्रस्य कृते तस्य संदेशाः सर्वदा एव प्रासंगिकाः भविष्यन्ति।

हिन्दुस्थान समाचार / अंशु गुप्ता