Enter your Email Address to subscribe to our newsletters
-जनगणना केवलं प्रदत्तानाम् एकत्रीकरणं न अपितु,सामान्यजनमानसस्य भविष्यं उत्तमदिशं दातुम् आधारः - मुख्यमंत्री
रांची, 01 मईमासः (हि.स.)।मुख्यमन्त्री हेमन्त सोरेन शुक्रवासरे राँची-नगरस्य कांके-रोड्-स्थिते मुख्यमन्त्री-आवासीय-कार्यालये जनगणना-२०२७ अन्तर्गतं स्व-गणना-प्रक्रियाम् सम्पन्नवान्।
अस्मिन् अवसरे मुख्यमन्त्री हेमन्त सोरेन समस्तान् झारखण्ड-निवासिनः प्रति आह्वानं कृतवान् यत् ते जनगणना-२०२७ इत्यस्य प्रक्रियायां स्वीयां महतीं जिम्मेदारीं निर्वहन्तः सक्रियतया उत्साहेन च सहभागिता कुर्वन्तु। तस्मिन् प्रसङ्गे मुख्यमन्त्रिणः धर्मपत्नी विधायक कल्पना सोरेन अपि उपस्थितवती।
एतस्मिन् काले जनगणना-संबद्धाः वरिष्ठ-अधिकारी मुख्यमन्त्रिणं ऑनलाइन-स्व-गणना-पोर्टले पञ्जीकरण-प्रक्रियायाः विस्तृतसूचनाभिः अवगतवन्तः। मुख्यमन्त्रिणः समक्षं जनगणना-अधिकारी उक्तवन्तः यत् अस्य अभियानस्य अन्तर्गतं १ मईतः १५ मई पर्यन्तं स्व-गणना-कार्यं प्रारब्धम् अस्ति। ततः अनन्तरं गृह-सूचीकरणं गृह-गणना-कार्यं च १६ मईतः १४ जून २०२६ पर्यन्तं समग्रे राज्ये क्रियते। अस्मिन् व्यापक-जनगणना-अभियाने गृहे-गृहे गत्वा प्रगणक-संबद्धाः कर्मचारीणःप्रदत्तसंग्रहं करिष्यन्ति। सर्वेषु जनपदेषु अस्य कार्यस्य प्रशासनिक-तैयार्यः आरब्धाः सन्ति।
अस्मिन् अवसरि मुख्यमन्त्री उक्तवान् यत् जनगणना केवलं आँकडासंग्रहः न, अपितु जनसामान्यस्य भविष्यस्य सम्यक् निर्देशनस्य आधारः अस्ति। जनगणनया राज्य-सरकारस्य योजनाः अधिकप्रभावी-रीत्या पात्रजनान् प्रति प्रापयितुं साहाय्यं भविष्यति। सः अपि उक्तवान् यत् अस्मिन् कार्ये क्षेत्रीय-भाषाज्ञानयुक्ताः अधिकारीणः कर्मचारीणः च सम्मिलिताः भवितुम् अर्हन्ति।
मुख्यमन्त्री उक्तवान् यत् जनगणना-२०२७ इयं तकनीकीदृष्ट्या प्रशंसनीया पहल अस्ति। सः समस्तान् राज्य-निवासिनः प्रति अस्य राष्ट्रीय-जनगणना-अभियानस्य सफलतायै सहयोगं कर्तुं आह्वानं कृतवान्।
अस्मिन् अवसरे भारत-सरकारस्य जनगणना-कार्य-निदेशालयस्य निदेशकः प्रभात कुमार, उपायुक्तः मंजूनाथ भजंत्री, नगर-आयुक्तः सुशांत गौरवः, सहायक-नगर-आयुक्तः राहुल यादव, जिला-सांख्यिकी-अधिकारी शेषनाथ बैठा, उप-निदेशकः केशया आर, सहायक-निदेशकः मुरारी मोहन, सांख्यिकी-अधिकारी कौशल किशोर इत्यादयः अन्ये अधिकारी अपि उपस्थिताः आसन्।
---------------
हिन्दुस्थान समाचार