Enter your Email Address to subscribe to our newsletters
जगदलपुर-नगरम्, ०१ मईमासः (हि.स.)। छत्तीसगढ-राज्यस्य प्रतिभावान् विद्यार्थिनाम् उज्ज्वल-भविष्य-निर्माणार्थं राज्य-सर्वकारेण महत्त्वपूर्णः प्रयत्नः कृतः। “मुख्यमन्त्री- बाल-भविष्य-सुरक्षा-योजना” अन्तर्गतं प्रदेशे सञ्चालितेषु प्रयास-आवासीय-विद्यालयेषु अग्रिम-शैक्षणिक-सत्रे २०२६-२७ कक्षा-नवम्यां प्रवेशस्य प्रक्रिया आरब्धा। एतेषां विद्यालयानां मुख्य-उद्देश्यं कक्षा-नवम्याः द्वादश-पर्यन्तं उत्कृष्ट-विद्यालय-शिक्षा-प्रदानेन सह राष्ट्रीय-स्तरस्य प्रतिष्ठित-प्रतियोगिता-परीक्षासु—यथा चिकित्सा, अभियांत्रिकी, सीए, सीएस, सीएमए, क्लैट, एनडीए इत्यादिषु—सफलतायै गहन-प्रशिक्षणं दातुम् अस्ति।
आदिम-जाति-तथा-अनुसूचित-जाति-विकास-विभागस्य आयुक्तेन निर्गत-सूचनानुसारं अस्य सत्रस्य प्रवेश-परीक्षा अग्रिमे १० मई-दिनाङ्के आयोजिता भविष्यति। परीक्षायाः सुचारु-सञ्चालनार्थं विद्यार्थिभ्यः प्रातः ९:३० वादनात् १० वादनपर्यन्तं ओएमआर-पत्रकं पूरयितुं समयः दास्यते, ततः प्रातः १० वादनात् अपराह्ण १ वादनपर्यन्तं प्राक्चयन-परीक्षा सम्पन्ना भविष्यति।
अस्यां परीक्षायां भागं ग्रहीतुम् इच्छन्तः अभ्यर्थिनः स्वीय-प्रवेश-पत्रं १ मई-दिनाङ्कात् आरभ्य १० मई-दिनस्य प्रातः ९:३० वादनपर्यन्तं आधिकारिक-जालस्थलात् (https://eklavya.cg.nic.in) डाउनलोड्-इति कर्तुं शक्नुवन्ति। यदि कस्यचित् विद्यार्थिनः प्रवेश-पत्र-डाउनलोड्-प्रक्रियायां काचित् तकनीकी-समस्या जायते, तर्हि ते स्व-सम्बद्ध-जनपदस्य आदिवासी-विकास-विभागस्य सहायक-आयुक्त-कार्यालयेन सम्पर्कं कृत्वा सहाय्यं प्राप्नुयुः।
हिन्दुस्थान समाचार / अंशु गुप्ता