Enter your Email Address to subscribe to our newsletters
सूरतम्, 01 मईमासः (हि.स.)।
सूरत-नगरे आयोजितस्य वाइब्रेंट् गुजरात् क्षेत्रीय-सम्मेलनस्य शुक्रवासरे शुभारम्भः अभवत्। अस्मिन् अवसरि मुख्यमन्त्री भूपेन्द्र पटेल ओरो-विश्वविद्यालय-परिसरे आयोजितस्य क्षेत्रीय-प्रदर्शनस्य विधिवत् उद्घाटनं कृतवान्। अस्मिन् प्रदर्शने राज्यस्य औद्योगिक-विकासः, कृषि-प्रगति:, हरित-ऊर्जा तथा सेवा-क्षेत्रस्य उपलब्धयः प्रदर्शिताः।
मुख्यमन्त्री पटेल विभिन्न-पवेलियन-स्थानकानि च निरीक्ष्य उद्योगपतिभिः स्टार्टअप-प्रतिनिधिभिः सह संवादं कृतवान् तथा नूतन-प्रौद्योगिकी:, हरित-ऊर्जा-परियोजना:, आधुनिक-कृषि-पद्धतयः इत्यादीनां विषये जानकारीं प्राप्तवान्।
मुख्यमन्त्री उक्तवान् यत् गुजरात् अधुना देशस्य “विकास-इंजनम्” इव उदेति तथा एतादृशानि क्षेत्रीय-सम्मेलनानि राज्यस्य समग्र-विकासं वेगेन अग्रे नयिष्यन्ति। अस्य उपक्रमस्य उद्देश्यः राज्यस्य सर्वेषु क्षेत्रेषु विद्यमानानां विकास-सम्भावनानां प्रोत्साहनम् अस्ति।
अस्मिन् द्विदिवसीये सम्मेलने दक्षिण-गुजरातस्य षट्-जनपदानां प्रतिनिधयः सहभागीभवन्ति। अस्मिन् उद्योग-, एमसीएमसी-, कृषि- तथा सेवा-क्षेत्रेषु सम्बद्धाः जनाः सक्रियतया सहभागित्वं वहन्ति।
तेन उक्तं यत् अस्य सम्मेलनस्य मुख्य-उद्देश्यः क्षेत्रीय-औद्योगिक-विकासस्य संवर्धनम्, निवेश-आकर्षणम् तथा नूतन-रोजगार-अवसराणां सृजनम् अस्ति। प्रदर्शनी औद्योगिक-उत्पादन-, हरित-ऊर्जा-सतत-विकास-, कृषि-भोजन-प्रसंस्करण- तथा सेवा-क्षेत्रेषु प्रमुख-विभागेषु विभक्ता अस्ति।
हरित-ऊर्जा-क्षेत्रे सौर- तथा पवन-परियोजना: विशेष-आकर्षणस्य केन्द्रं अभवन्, तथा कृषि-विविधतां दर्शयितुं “आम्र-महोत्सवः” अपि आयोजितः, यस्मिन् दक्षिण-गुजरातस्य विविधाः आम्र-प्रकाराः प्रदर्शिताः।
अस्मिन् एव अवसरे मुख्यमन्त्री व्यापार-मेलायाः अपि उद्घाटनं कृतवान्। सः उक्तवान् यत् एषः आयोजनः व्यापारिक-सम्भावनाभ्यः नूतनां दिशां दास्यति। तेन एतत् राज्यस्य संतुलित-समावेशी-विकासस्य कृते महत्त्वपूर्णं पदम् इति वर्णितम्।
कार्यक्रमे केन्द्रीय-जलशक्ति-मन्त्री सी आर पाटीलो, राज्यस्य मन्त्री हर्ष संघवी, जनप्रतिनिधयः, वरिष्ठ-अधिकारीणः, उद्योग-जगतः प्रतिनिधयः तथा देश-विदेशात् आगताः अतिथयः उपस्थिताः आसन्।
---------------
हिन्दुस्थान समाचार