Enter your Email Address to subscribe to our newsletters
नवदेहली, 10 मईमासः (हि.स.)। अखिल-भारतीय-विद्यार्थी-परिषदः (अभाविप) दिल्ली द्वारा अभाविपस्य संगठन-शिल्पिनः पूर्व-राष्ट्रीय-अध्यक्षस्य च प्रा. यशवन्तरावस्य केलकरस्य जन्मशती-वर्षस्य उपलक्ष्ये 'प्रिय केलकर जी' इति विशेष-अभिवाचन-कार्यक्रमस्य भव्यम् आयोजनं डॉ. श्यामाप्रसाद-मुखर्जी-नागरिक-केन्द्रे कृतम्।
कार्यक्रमे मुख्यातिथिरूपेण राष्ट्रीय-स्वयंसेवक-संघस्य सरकार्यवाहः दत्तात्रेयः होसबाले उपस्थितः आसीत्। कार्यक्रमं सम्बोधयन् दत्तात्रेयः होसबाले अवदत् यत् बालासाहेबः देवरसः वक्तुम् अभ्यस्यत यत् यशवन्तरावः केलकरः डॉ. हेडगेवारस्य कुलोत्पन्नः अस्ति। प्रा. केलकरेण संगठन-निर्माणस्य ते सूत्राः दत्ताः, येषु अभाविपस्य सशक्तः आधारः स्थापितः। तेन अभाविपं केवलम् आन्दोलनपर्यन्तं न सीमयित्वा रचनात्मकतायाः प्रतिनिधित्वस्य राष्ट्र-निर्माणस्य च दिशा प्रदत्ता। प्रा. केलकरेण दल-कार्यस्य, समय-पालनस्य, सादगीयाः, संसाधनानां सदुपयोगस्य, आत्मीय-कार्यपद्धतेश्च माध्यमेन संगठन-जीवनस्य आदर्शः प्रस्तुतः। ते ईर्ष्या-द्वेषं विना सर्वान् सह नयन्तः व्यक्तित्वम् आसन्। तेषां जीवनं कार्यकर्तृभ्यः प्रेरणायाः अखण्डः स्रोतः अस्ति।
अखिलभारतीयविद्यार्थीपरिषदः
कार्यपद्धतिं जीवन-दृष्टिञ्च उल्लिखन् तेन उक्तं यत् प्रा. यशवन्तरावेण केलकरेण सह कार्यं कुर्वन् विद्यार्थी-परिषदि मह्यं जीवन-दृष्टिः लब्धा, संघे च सा विकसिता।
अस्मिन् अवसरे अखिलभारतीयविद्यार्थीपरिषदः पूर्व-राष्ट्रीय-अध्यक्षः प्रो. राजकुमारः भाटिया, राष्ट्रीय-अध्यक्षः प्रो. रघुराजः किशोरः तिवारी, अखिल-भारतीय-छात्रा-कार्य-प्रमुखः मनुः शर्मा कटारिया, दिल्ली-प्रदेश-अध्यक्षः डॉ. तपनः बिहारी तथा प्रदेश-मन्त्री सार्थकः शर्मा विशेषरूपेण उपस्थिताः आसन्। कार्यक्रमे संघस्य वरिष्ठाः प्रचारकाः, विविध-विश्वविद्यालयानां कुलपतयः, कुलसचिवाः, प्राध्यापकाः, दिल्ली-विधानसभायाः अध्यक्षः, दिल्ली-सर्वकारस्य मन्त्रिणः, संघ-प्रेरित-संगठनानां कार्यकर्तारः बहुसंख्याकाः विद्यार्थिनश्च उपस्थिताः आसन्।
राष्ट्रनिष्ठः चिन्तकः, संगठन-शिल्पी, विद्यार्थी-चेतनायाः प्रखरः प्रेरणास्रोतश्च प्रा. यशवन्तरावः केलकरः २५ अप्रैल १९२५ तमे वर्षे महाराष्ट्रस्य पण्ढरपुरे (सोलापुरे) जन्म अलभत। विद्यार्थी-जीवनतः एव राष्ट्र-कार्यं जीवनस्य ध्येयं मन्वानाः केलकरः १९४५ तमे वर्षे राष्ट्रीय-स्वयंसेवक-संघस्य प्रचारकः अभवत्। १९५५ तमे वर्षे आङ्ग्ल-भाषायाः प्राध्यापकरूपेण नेशनल-महाविद्यालये अध्यापनम् आरब्धवान्, संघस्य निर्देशानुसारं च अखिल-भारतीय-विद्यार्थी-परिषदः कार्यम् आरब्धम्। तेषां कार्यशैल्या अभाविपाय वैचारिक-स्पष्टता, संगठनात्मक-दृष्टिः, कार्यकर्तृ-निर्माणस्य च एतादृशी कार्यपद्धतिः प्राप्ता, यया अखिल-भारतीय-विद्यार्थी-परिषदे अखिल-भारतीय-स्वरूपं प्रदत्तम्। तैः छात्र-शक्तिं राष्ट्र-निर्माणस्य शक्तिरूपेण स्थापयितुं कार्यं कृतम्।
कार्यक्रमे पुणेतः आगतायाः मिलिन्दः भड़गेस्य नेतृत्वस्य अभिवाचन-दलेन 'प्रिय केलकर जी' इति प्रस्तुत्या प्रा. केलकरस्य जीवनं विचाराः कार्यपद्धतिश्च अत्यन्तं प्रभावशालिना रूपेण मञ्चिताः। प्रस्तुतौ अभाविपस्य कार्यशैली, पूर्व-योजना, समय-सन्तुलनम्, अनुशासनम्, सामूहिकता, कार्यकर्तृ-निर्माणस्य च सा जीवन्ती पद्धतिः प्रस्तुता, यां प्रा. केलकरेण स्वजीवनेन स्थापितम्।
अभाविपस्य राष्ट्रीय-अध्यक्षः प्रो. रघुराजः किशोरः तिवारी अवदत् — प्रा. यशवन्तरावस्य केलकरस्य जीवनं प्रत्येकस्य कार्यकर्तुः कृते आदर्शम् अस्ति। अद्य अभाविपस्य या कार्यपद्धतिः देशे सर्वत्र दृश्यते, सा प्रा. केलकरेण प्रदत्ता अस्ति। तेषां जीवनतः एतत् शिक्षितुम् आवश्यकम् यत् कार्यकर्तुः जीवने कथनेन करणेन च कोऽपि भेदः न भवेत्।
अभाविपस्य पूर्व-राष्ट्रीय-अध्यक्षः प्रो. राजकुमारः भाटिया अवदत् — यदि वयं प्रा. केलकरस्य व्यक्तित्वं अभाविपस्य कार्यपद्धतिञ्च बोद्धुम् इच्छामः, तर्हि तेषां जीवनेन विचारैश्च आधारितस्य साहित्यस्य गम्भीरम् अध्ययनम् आवश्यकम् अस्ति। प्रा. केलकरः विद्यार्थी-परिषदं व्यक्तित्व-निर्माणस्य कार्यशाला इति मन्यते स्म।
---------------------
हिन्दुस्थान समाचार