Enter your Email Address to subscribe to our newsletters
गुवाहाटी, 10 मईमासः (हि.स.)। असमराज्ये निरन्तरं तृतीयवारं भारतीयजनतापक्ष-नेतृत्वयुक्तस्य राष्ट्रियजनतान्त्रिकगठबन्धनस्य (राजग) सर्वकारस्य शपथग्रहणसमारोहः १२ मई तिथौ भविष्यति।
अद्य असमप्रदेश-भाजपा-मुख्यालये अटल-बिहारी-वाजपेयी-भवने राजग-विधायक-दलस्य नेतारूपेण निवर्तमानः मुख्यमन्त्री डॉ. हिमन्तबिस्वसरमा सर्वसम्मत्या निर्वाचितः।
अस्मिन् अवसरे भाजपायाः राष्ट्रिय-पर्यवेक्षकः केन्द्रीयमन्त्री जे. पी. नड्डा तथा हरियाणाराज्यस्य मुख्यमन्त्री नायबसिंहसैनी उपस्थितौ आस्ताम्। नड्डा महोदयेन विधायकदलस्य सभायां विधायकैः सह परामर्शानन्तरं डॉ. हिमन्तबिस्वशर्मा राजग-विधायक-दलस्य नेतारूपेण निर्वाचितः इति घोषणा कृता।
डॉ. हिमन्तबिस्वसरमानाम्ना अष्टभिः वरिष्ठविधायकैः प्रस्तावितम्। रञ्जीतकुमारदासः, बिश्वजीत्दैमारी, अजन्ता-नेओग्, रामेश्वरतेली, राजदीपरायः, अशोकसिंघलः, पीयूषहजारिका, चक्रधरगोगोई च तेषां नाम अनुमोदितवन्तः। ततः परं जे. पी. नड्डा महोदयेन डॉ. शर्मणः नाम उद्घोषितम्। विधायकदलस्य नेतुः नाम्नः घोषणया सह “भारतमातायै जयः”, “जय श्रीराम” इत्यादीनां घोषाणां निनादेन सम्पूर्णं भाजपा-मुख्यालयं गुञ्जितम्।
राजग-सहयोगिदलस्य असमगणपरिषदः (अगप) नेता अतुलबोरा तथा बोडोलैण्ड् पीपुल्स् फ्रण्ट् (बीपीएफ) दलस्य नेता रिहन्दैमारी अपि प्रस्तावं कृतवन्तौ। मञ्चे उभौ पर्यवेक्षकौ, प्रदेश-भाजपा-अध्यक्षः दिलीपसैकिया, प्रदेश-भाजपा-प्रभारी, प्रदेश-साङ्गठनिक-महासचिवः, अगप-दलस्य अध्यक्षः अतुलबोरा, बीपीएफ-दलस्य नेता रिहन्दैमारी तथा अन्ये अनेकाः वरिष्ठनेतारः उपस्थिताः आसन्।
उल्लेखनीयं यत् २०२६ वर्षस्य विधानसभानिर्वाचने भाजपया १२६ आसनेषु ८२ आसनानि विजितानि। सहयोगिदलेन असमगणपरिषदा १० तथा बोडोलैण्ड् पीपुल्स् फ्रण्ट्-दलेन १० आसनानि विजितानि, एवं कुलम् १०२ आसनेषु एनडीए-विजयः अभवत्।
उल्लेखनीयं यत् आगामिन्यां १२ मई तिथौ गुवाहाटीनगरस्य खानापाड़ा-क्रीडाङ्गणे नूतन-सरकारस्य शपथग्रहणसमारोहः आयोजितः भविष्यति। तदर्थं सज्जताः अन्तिमचरणे सन्ति।
डॉ. शर्मा अल्पकालानन्तरं भाजपा-मुख्यालयात् लोकभवनं प्रति प्रस्थितः भविष्यति। सः राज्यपालं मिलित्वा स्वसर्वकारस्य गठनार्थं तथ्यस्य प्रस्तुतोष्यति।
हिन्दुस्थान समाचार