Enter your Email Address to subscribe to our newsletters
जयपुरम्, 10 मईमासः (हि.स.)।
असमराइफल्स् संस्थया रविवासरे मुख्यालयमहानिदेशकअसमराइफल्स् इत्यस्य तत्वावधाने बी.एम. बिड़ला ऑडिटोरियम्, जयपुरे पूर्वसैनिकसम्मेलनस्य आयोजनं कृतम्। एषः कार्यक्रमः पूर्वसैनिकानां, वीरनारीणां तथा तेषां परिवाराणां कल्याणसम्मानयोः प्रति बलस्य अटूटप्रतिबद्धतां पुनः प्रदर्शयति।
अस्य कार्यक्रमस्य अध्यक्षता असमराइफल्स् संस्थायाः एडिशनलमहानिदेशकः मेजरजनरल् जयसिंहबैंसला कृतवान्। अस्मिन् सम्मेलनॆ हरियाणाराजस्थानप्रदेशाभ्यां ७०० अधिकाः पूर्वसैनिकाः सहभागित्वं कृतवन्तः, यत् बलस्य तस्य पूर्वसैनिकपरिवारस्य च मध्ये गाढसम्बन्धं प्रदर्शयति।
सम्मेलनस्य समये अष्ट वीरनार्यः तथा षट् वीरतापुरस्कारविजेतारः राष्ट्रस्य प्रति तेषां बलिदानस्य, साहसस्य उत्कृष्टसेवायाः च सम्मानार्थं सम्मानिताः। मुख्यातिथिना पूर्वसैनिकैः सह संवादः कृतः तथा बलस्य सुरक्षा गौरवशालिसंपदः च निर्माणे तेषां अमूल्ययोगदानस्य प्रशंसा कृता।
कार्यक्रमस्य अन्तर्गतं पूर्वसैनिकानां तेषां आश्रितानां च लाभार्थं अनेकाः कल्याणकारीक्रियाकलापाः जागरूकताअभियानानि च आयोजितानि। पेंशनसम्बद्धविषयेषु, ईसीएचएस् सुविधासु, शिकायतनिवारणे, दस्तावेजीयसहाय्ये तथा विविधकल्याणकारीयोजनासु सहायता प्रदातुं विशेषसहाय्यकक्षाः स्थापिताः। अतिरिक्तरूपेण चिकित्सापरामर्शः तथा पुनर्वासकल्याणसम्बद्धसहायता अपि उपलब्धा कृता।
जनसम्पर्काधिकारी (रक्षा) लेफ्टिनेंट्कर्नल् निखिलधवनः जानकारीं दत्तवान् यत् एषा रैली असमराइफल्स् संस्थायाः सततप्रचलितआउटरीचकार्यक्रमस्य भागः आसीत्। अस्य कार्यक्रमस्य उद्देश्यं पूर्वसैनिकैः, वीरनारीभिः, विधवाभिः तथा आश्रितैः सह सम्पर्कस्थापनं कृत्वा तेषां समस्याः समाधानं कर्तुं तथा यत्र सम्भवति तत्र तासां तत्कालं निवारणं कर्तुम् अस्ति। कार्यक्रमस्य उद्देश्यं शय्याग्रस्तपूर्वसैनिकानां निकटसम्बन्धिनां च समीपं गत्वा तेषां कल्याणसहयोगयोः सुनिश्चितीकरणम् अपि अस्ति। आवश्यकतानुसारं विषयाधारितरूपेण आर्थिकसहायता अपि प्रदीयते।
अस्याः पहलायाः अन्तर्गतं अद्यपर्यन्तम् असमराइफल्स् संस्थायाः दलैः १७ राज्येषु ४४ स्थानेषु भ्रमणं कृतम् तथा कुलं ८,९९२ पूर्वसैनिकैः, वीरनारीभिः तथा आश्रितैः सह संवादः स्थापितः। अतिरिक्तरूपेण ६६ शय्याग्रस्तपूर्वसैनिकैः तथा निकटसम्बन्धिभिः सह व्यक्तिगततया मिलित्वा तेषां सहायता कृता।
एषा रैली सेवारतअसमराइफल्स्कर्मिणां पूर्वसैनिकानां च मध्ये प्रत्यक्षसंवादस्य एकं महत्त्वपूर्णं मञ्चम् अपि सिद्धा, येन सुझावानाम् आदानप्रदानम्, समस्यासमाधानम् तथा संस्थागतसम्बन्धानां अधिकसुदृढीकरणे सहायता अभवत्।
---------------
हिन्दुस्थान समाचार