Enter your Email Address to subscribe to our newsletters
रायपुरम्, 10 मईमासः (हि.स.)।
मुख्यमन्त्री विष्णुदेवसायः अद्य रविवासरे कबीरधामजिलायाः डोंगरिया इति स्थले आयोजिते अखिलभारतीयक्षत्रियकुर्मिसमाजस्य प्रदेशस्तरीयसम्मेलने सम्मानसमारोहे च सहभागी अभवत्। अस्मिन् अवसरे तेन समाजस्य एकता, संगठनम्, सामाजिकचेतना तथा देशप्रदेशयोः विकासे कुर्मिसमाजस्य योगदानं रेखाङ्कितं कृत्वा उक्तं यत् संगठितः सशक्तः च समाजः एव सुदृढराष्ट्रस्य आधारशिला भवति।
मुख्यमन्त्री सायः कार्यक्रमकाले क्षेत्रवासिभ्यः सिंचाई, मार्गनिर्माण तथा धार्मिकपर्यटनसम्बद्धानां महत्त्वपूर्णविकासकार्याणां सौगातम् अपि प्रदत्तवान्। ततः पूर्वं सः जलेश्वरमहादेवधामं प्राप्य भगवान् भोलेनाथस्य जलाभिषेकं कृतवान् तथा प्रदेशवासिनां सुखशान्तिसमृद्धीनां कामनां कृतवान्।
मुख्यमन्त्री सायः अवदत् यत् कुर्मिसमाजस्य इतिहासः अत्यन्तं गौरवशाली अस्ति। छत्रपतिशिवाजीमहाराजः तथा लौहपुरुषः सरदारवल्लभभाईपटेलः इत्यादयः महानुभावाः देशस्य एकता, सुरक्षा तथा राष्ट्रनिर्माणे ऐतिहासिकीं भूमिकां निर्वहितवन्तः। तेन उक्तं यत् कुर्मिसमाजः परिश्रमी, प्रगतिशीलः जागरूकः च समाजः अस्ति, येन कृषिकार्यात् आरभ्य शिक्षायाम्, प्रशासनक्षेत्रे तथा सामाजिकनेतृत्वे पर्यन्तं सर्वेषु क्षेत्रेषु विशिष्टा पहचान निर्मिता।
मुख्यमन्त्री सायः अवदत् यत् प्रधानमन्त्री नरेन्द्रमोदीस्य नेतृत्वे देशः सांस्कृतिकआध्यात्मिकपुनर्जागरणस्य नवीनकालखण्डं अनुभवति। अयोध्यायां भगवान् श्रीराममन्दिरनिर्माणं कोटिशः देशवासिनां श्रद्धायाः प्रतीकं जातम्। तेन उक्तं यत् प्रदेशशासनं रामललादर्शनयोजनया श्रद्धालून् अयोध्यादर्शनं कारयति तथा अद्यपर्यन्तं प्रायः ४२ सहस्राधिकाः श्रद्धालवः अस्य लाभं प्राप्तवन्तः। मुख्यमन्त्रीतीर्थदर्शनयोजना अपि पुनः प्रारब्धा अस्ति, यस्याः अन्तर्गतं वरिष्ठनागरिकेभ्यः देशस्य १९ प्रमुखतीर्थस्थानानां यात्रा कारय्यते।
मुख्यमन्त्री सायः अवदत् यत् राज्यशासनेन गतद्विवर्षार्धकाले “मोदीकीगारंटी” इति संकल्पः धरातले साकारितः। महतारीवन्दनयोजनायाः अन्तर्गतं अद्यपर्यन्तं २७ किश्तीनां भुगतानं कृतम्, येन प्रदेशस्य लक्षशः मातृशक्तीनां खातेषु २७-२७ सहस्ररूप्यकाणां राशिः प्रेषिता। तेन उक्तं यत् प्रदेशे १० सहस्र ५०० कोटिरूप्यकाणां सिंचाईपरियोजनाः स्वीकृताः, येन कृषिक्षेत्राय नूतना सुदृढता भविष्यति। रेलमार्गाधोसंरचनायाः विस्तारः आधुनिकीकरणं च अपि तीव्रतया प्रचलति।
अस्मिन् अवसरे उपमुख्यमन्त्री विजयशर्मा अवदत् यत् समाजस्य वास्तविकशक्तिः तस्य एकतायां संगठनॆ च निहिता अस्ति। तेन उक्तं यत् यस्य समाजस्य प्रेरणास्रोतौ छत्रपतिशिवाजीमहाराजः तथा सरदारवल्लभभाईपटेलः इत्यादयः महानायकाः सन्ति, सः समाजः स्वाभाविकतया गौरवशाली प्रगतिशीलः च भवति। तेन समाजं प्रति शिक्षायाः, संगठनस्य तथा सामाजिकसमरसतायाः अधिकसुदृढीकरणस्य आह्वानं कृतम्।
राज्यसभासांसदः लक्ष्मीवर्मा अवदत् यत् कुर्मिसमाजस्य महान् बलम् तस्य एकता, संगठनम् तथा पारस्परिकविश्वासः अस्ति। तेन उक्तं यत् यत्र विश्वासः, संस्कारः तथा चरित्रस्य समावेशः भवति, तत्र समाजः निरन्तरं प्रगतिं करोति तथा नवीनपीढीनां दिशानिर्देशनं करोति।
अखिलभारतीयक्षत्रियकुर्मिसमाजस्य राष्ट्रियाध्यक्षः सर्वेशकटीयारः अवदत् यत् कुर्मिसमाजस्य संगठनात्मकपरम्परा १३२ वर्षेभ्यः अधिका प्राचीना अस्ति। समाजेन स्वपरिश्रमस्य, सामाजिकमूल्यानां तथा एकतायाः बलात् देशव्यापिनी विशिष्टपहचान स्थापिता। तेन उक्तं यत् यत्र यत्र कुर्मिसमाजस्य सक्रियसहभागिता अभवत्, तत्र विकासः सामाजिकप्रगतिः च नूतनदिशां प्राप्तवती। अस्मिन् अवसरे गणमान्यजनप्रतिनिधयः, अधिकारिणः तथा समाजस्य जनाः उपस्थिताः आसन्।
---------------
हिन्दुस्थान समाचार