Enter your Email Address to subscribe to our newsletters
नवदेहली, 10 मईमासः (हि.स.)।प्रधानमन्त्री नरेन्द्रमोदी तेलङ्गानायाः राजधान्यां हैदराबादे अवदत् यत् राज्यानां विकासं विना देशस्य विकासः सम्भवः नास्ति, तेलङ्गानाराज्यस्य विकासःविकसितभारतस्य लक्ष्यं गतिं दास्यति। केन्द्रसर्वकारः राज्यानां द्रुतविकासं स्वयोजनानां केन्द्रबिन्दुं मत्वा कार्यं करोति।
प्रधानमन्त्री रविवासरे हैदराबाद-अन्ताराष्ट्रिय-सम्मेलन-केन्द्रात् आभासीय-माध्यमेन नव-सहस्र-चतुःशत-कोटिरूप्यकाणाम् अधिकमूल्यस्य विविध-विकास-परियोजनानाम् उद्घाटनं शिलान्यासं राष्ट्राय समर्पणञ्च अकरोत्। अस्मिन् अवसरे प्रधानमन्त्री अवदत् यत् तेलङ्गानायाः सामर्थ्यं राष्ट्रीयमेव न, वैश्विकमपि अस्ति। अत्र समीपवर्तिक्षेत्रं देशस्य महत् विनिर्माण-केन्द्रं कर्तुं दिशि बहवः महत् प्रकल्पाः आरभ्यन्ते, येभ्यः सहस्राणि युवकेभ्यः रोजगारः लभ्यते, राज्यस्य सम्पर्क-व्यवस्था च सुदृढा भविष्यति।
प्रधानमन्त्री अवदत् यत् भारतम् इदानीं सुदृढ़ीकरणस्य आधुनिक-आधारभूत-संरचनायाश्च एक्सप्रेस यानेन अग्रे गच्छति। जहीराबाद-औद्योगिक-क्षेत्रस्य विकासः अस्यैव विचारस्य अंशः अस्ति। एतत् क्षेत्रं एकस्याः औद्योगिक-स्मार्ट-नगर्याः रूपेण विकसयिष्यते, यत्र विश्वस्तरीय-आधारभूत-संरचना, उत्तमा विद्युत्-आपूर्तिः, उन्नतञ्च सूचना-संचार-प्रौद्योगिकी-जालञ्च उपलब्धं भविष्यति। तेन अवोचत् यत् अनेन विश्वस्य सर्वत्र निवेशकेभ्यः उद्योग-स्थापनार्थम् आवश्यकाः सुविधाः प्राप्स्यन्ते।
तेन उक्तं यत् केन्द्रसर्वकारः अस्य औद्योगिक-क्षेत्रस्य विकासे सहस्राणि कोटि-रूप्यकाणि व्ययं करोति, अनेन च युवकेभ्यः वृहत्परिमाणे रोजगार-अवसराः उत्पत्स्यन्ते। अत्र निर्मीयमाणाः वाहन-यन्त्रसामग्री-खाद्य-प्रसंस्करण-उद्योगाः कृषकान् श्रमिकांश्च सशक्तयिष्यन्ति।
प्रधानमन्त्री वारंगल-पीएम-मित्र-पार्क इत्यस्य उल्लेखं कुर्वन् अवदत् यत् भारतं स्वस्य वस्त्रोद्योगस्य ऐतिहासिक-विरासतं पुनः सुदृढां करोति। पीएम-मित्र-पार्क इति देशे वस्त्र-क्रान्तिं नवां गतिं दास्यति, अत्र स्थापयिष्यमाणाभ्यः इकाइभ्यश्च केन्द्रसर्वकारस्य उत्पादन-आधारित-प्रोत्साहन-योजनायाः लाभोऽपि लभिष्यते। अनेन विशेषरूपेण महिलाभ्यः युवकेभ्यश्च रोजगारस्य नवावसराः निर्मास्यन्ते।
प्रधानमन्त्री अवदत् यत् विगत-द्वादश-वर्षेषु आधुनिक-सम्पर्क-व्यवस्था केन्द्रसर्वकारस्य महत्तमेषु प्राथमिकतासु आसीत्। मार्ग-रेलमार्ग-विमानपत्तनानां विकासे अभूतपूर्वं निवेशं क्रियते। राष्ट्रीय-राजमार्गेषु प्रायः पादोनद्वि-लक्ष-कोटि-रूप्यकाणां निवेशं कृतम्, यस्य लाभः तेलङ्गानायामपि जातः। विगत-एकादश-वर्षेषु तेलङ्गानायां राष्ट्रीय-राजमार्ग-जालं द्विगुणितम्।
तेन उक्तं यत् तेलङ्गानां कर्णाटकञ्च संयोजयतः राष्ट्रीय-राजमार्गस्य विस्तारणेन यात्रा-कालः न्यूनः भविष्यति, माल-वहनस्य व्ययेऽपि न्यूनता आगमिष्यति। प्रधानमन्त्री रेल-परियोजनानाम् उल्लेखं कुर्वन् अवदत् यत् वर्षे २०१४ तः पूर्वम् अविभक्तस्य आन्ध्रप्रदेशस्य कृते रेल-आयव्ययकं सहस्र-कोटि-रूप्यकेभ्योऽपि न्यूनः आसीत्, परन्तु अद्य केवलं तेलङ्गानायाः कृते रेल-आयव्ययकं प्रायः पञ्च-सहस्र-कोटि-रूप्यकाणां परिमाणे अस्ति।
प्रधानमन्त्री अवदत् यत् सम्प्रति राज्ये सहस्राणां कोटि-रूप्यकाणां रेल-परियोजनासु कार्यं प्रचलति। तेलङ्गानायां पञ्च वन्दे-भारत षट् अमृत-भारत-रेलयानानि च संचाल्यन्ते। तेन सह काजीपेट-विजयवाडा-बहुपट्टिका-परियोजनायाः केषुचित् खण्डेषु काजीपेट-रेल-अधःपरिवर्जन-रेखायाश्च राष्ट्राय समर्पणमपि कृतम्।
प्रधानमन्त्री अवदत् यत् एकविंशे शतके ऊर्जा-सुरक्षा अत्यन्तं महत्त्वपूर्णः विषयः सञ्जातः अस्ति। भारतम् ऊर्जा-सुरक्षां सुदृढां कर्तुम् अभूतपूर्वं निवेशं करोति। मलकापुरे इण्डियन-ऑयलस्य नवस्य टर्मिनलस्य उद्घाटनम् अस्यामेव दिशि एकः महत्त्वपूर्णः पदक्षेपः अस्ति, यः तेलङ्गानायाः वर्धमान-ऊर्जा-आवश्यकताः पूरयिष्यति, आपूर्ति-शृङ्खलाञ्च सुदृढां करिष्यति।
प्रधानमन्त्री अवदत् यत् भारतं सौर-ऊर्जायाः क्षेत्रे विश्वस्य अग्रणी-देशेषु सम्मिलितम् अभवत्। पेट्रोले एथेनॉल-मिश्रणम्, शत-प्रतिशत-एलपीजी-आच्छादनम्, नलिकया माध्यमेन न्यूनमूल्यगैस इत्यस्य उपलब्धता च एतादृशैः पदक्षेपैः देशम् ऊर्जा-क्षेत्रे आत्मनिर्भरतायाः दिशि अग्रे गच्छति।
तेन जनान् पेट्रोल-डीजल-गैस-सदृशानां ऊर्जा-संसाधनानां संयमितेन उपयोगस्य अपीलं कुर्वन् उक्तं यत् अनेन विदेशी-मुद्रायाः रक्षणं भविष्यति, वैश्विक-संकटानाम् दुष्प्रभावाश्च न्यूनीकर्तुं शक्यन्ते।
प्रधानमन्त्री अवदत् यत् तेलङ्गानायाः युवकः नवस्वप्नान् पश्यति, राज्यस्य कृषकश्च नवाशाभिः सह अग्रे गन्तुम् इच्छति। अत्रत्याः उद्योगाः, सूक्ष्म-लघु-मध्यम-उद्यमाः, स्टार्टअपाश्च विकसितस्य तेलङ्गानायाः निर्माणे महत्त्वपूर्णां भूमिकां निर्वोढुम् इच्छन्ति। केन्द्रसर्वकारः राज्यस्य विकासार्थं अधिकाधिकया गत्या कार्यं करिष्यते।
---------------
हिन्दुस्थान समाचार