Enter your Email Address to subscribe to our newsletters
लखनऊ, 10 मईमासः (हि.स.)।भारतीयजनतापक्षेण कृष्णावतारम् चलचित्रे समाजवादीपक्षाध्यक्षस्य अखिलेशयादवस्य टिप्पण्याः तीव्रः प्रत्युत्तरः दत्तः। भाजपायाः प्रदेशप्रवक्ता हरिश्चन्द्रश्रीवास्तवः अवदत् यत् समाजवादीपक्षाध्यक्षः अखिलेशयादवः अद्यापि एतत् न अवगच्छति यत् सः स्वस्य शासनकाले कृतानां कंसकर्मणां प्रायश्चित्तमेव अनुभवन्ति। सः अवदत् यत् वर्षेषु २०१२ तः २०१७ पर्यन्तं स्वस्य शासनकाले जातानां कंसकर्मणां कृते जनताजनार्दनात् शिक्षां प्राप्तवान् अपि सन् कृष्णावतारम् इत्यस्मात् शिक्षां न गृह्णाति।
तेन उक्तं यत् पश्चिमबङ्गस्य जनताजनार्दनेन ममता स्वस्य कंसकर्मणां प्रायश्चित्तार्थं राजसत्तायाः बहिः कर्तुं बाधिता अभवत्। अधुना सम्भवतः तस्याः स्वान्तरस्थितदोषस्य प्रायश्चित्तस्य अवसरः भविष्यति।
हरीशश्रीवास्तवः अवदत् यत् मम परामर्शः अस्ति यत् उपदेशकस्य भूमिकां त्यक्त्वा अखिलेशयादवः स्वपक्षस्य नेतृभिः सह कृष्णावतारम् पश्यतु तथा स्वयम् अपि श्रीकृष्णस्य सन्देशं अवगच्छतु। उपदेशकस्य भूमिकायां योगेश्वरः श्रीकृष्ण एव स्थितः भवतु। किन्तु आयातिरिक्तसम्पत्तौ तथा परिवारपर्यन्तमेव पक्षं शासनं च सीमितवन्तां जनानां मुखात् लोभलालसास्वार्थविषये उपदेशः न शोभते।
हिन्दुस्थान समाचार