Enter your Email Address to subscribe to our newsletters
पौड़ी गढ़वालम्, 10 मईमासः (हि.स.)।
उत्तराखण्डराज्यस्य राज्यपालः लेफ्टिनेण्ट् जनरल् गुरमीतसिंहः (सेवानिवृत्तः) स्वस्य द्विदिवसीय-जनपद-भ्रमण-कार्यक्रमस्य अन्तर्गतं लैन्सडाउन-नगरमध्ये महिलासशक्तीकरणं, स्वरोजगारः तथा पर्यावरणसंरक्षणसम्बद्धाः पहलाः प्रशंसितवान्। अस्मिन् अवसरे तेन गढ़वाल-राइफल्-रेजिमेण्ट्-केन्द्रे आयोजितेषु विभिन्नकार्यक्रमेषु सहभागिता कृता।
राज्यपालः स्वस्य द्विदिवसीय-जनपद-भ्रमण-कार्यक्रमस्य अन्तर्गतं शनिवासरे सायंकाले लैन्सडाउनम् आगतः।
राज्यपालः सर्वप्रथमं पूर्वसैनिकानां तथा पर्यावरणसंरक्षणस्य समर्पितस्य “पूर्वसैनिक-पर्यावरण-उद्यानस्य” उद्घाटनं कृतवान्। कैण्ट्-बोर्डस्य अधिकारिभिः राज्यपालाय उद्यानस्य संकल्पना, संरचना तथा पर्यावरणीयमहत्त्वस्य विस्तृता सूचना प्रदत्ता। अस्मिन् अवसरे राज्यपालेन उद्याने विकसितानां हरित-व्यवस्थानां तथा पूर्वसैनिकानां सम्मानार्थं कृतानां प्रयासानां प्रशंसा कृता। तेन उक्तं यत् एतादृशी पहलः समाजे पर्यावरणसंरक्षणस्य प्रति जागरूकतां वर्धयति तथा देशसेवायां योगदानं दत्तवन्तः पूर्वसैनिकानां सम्मानस्य प्रतीकं भवति। उद्यानभ्रमणस्य समये राज्यपालेन आर्मी-पब्लिक-स्कूलस्य छात्रैः छात्राभिः तथा स्थानीयनागरिकैः सह आत्मीयः संवादः अपि कृतः।
तदनन्तरं राज्यपालः “ऑल्-वुमेन्-कैफे” इत्यस्य भ्रमणं कृतवान्। अत्र तेन स्थानीयमहिलाभिः निर्मितानां पर्वतीय-पारम्परिक-उत्पादानाम् अवलोकनं कृतम्। राज्यपालः स्थानीय-उत्पादानां गुणवत्तायाः प्रस्तुतीकरणस्य च प्रशंसां कृत्वा उक्तवान् यत् स्थानीय-उत्पादानां प्रोत्साहनं ग्रामीण-अर्थव्यवस्थायाः सुदृढीकरणस्य दिशि महत्त्वपूर्णः चरणः अस्ति। तेन महिलानां प्रयासानां प्रशंसा कृता तथा उक्तं यत् स्वरोजगार-आधारिताः क्रियाकलापाः महिलानां आर्थिकसशक्तीकरणे महत्त्वपूर्णां भूमिकां निर्वहन्ति।
ततः परं राज्यपालः “भुल्ली-सशक्तीकरण-केन्द्रस्य” भ्रमणं कृतवान्। केन्द्रे सञ्चालितानां विभिन्न-प्रशिक्षण-उत्पादन-इकाईनां अवलोकनं कृत्वा तेन तत्र कार्यरताभिः महिलाभिः कार्मिकैः च सह संवादः कृतः। राज्यपालेन धातुकला-विभागः, वीरनारी-कम्प्यूटर-प्रशिक्षण-केन्द्रम्, ब्लॉक्-प्रिण्टिङ्ग्-विभागः, नन्ही-कली-केन्द्रम्, हस्तनिर्मित-कागद-विभागः, ऊनी-टोपी-विभागः, शाल्-विभागः, भण्डार-कक्षः, मोनाल्-ब्यूटी-पार्लरः तथा मसाला-केन्द्रम् निरीक्षितम्।
राज्यपालेन केन्द्रे स्थापितानां विभिन्न-यन्त्राणां प्रशिक्षण-उपकरणानां च निरीक्षणं कृत्वा तत्र कार्यरताभ्यः महिलाभ्यः तासां अनुभवानां कार्यप्रणाल्याश्च विषये जानकारी प्राप्ता। तेन उक्तं यत् “आत्मनिर्भर-भारत” इत्यस्य अवधारणां सुदृढां कर्तुं एतादृशाः प्रशिक्षण-केन्द्राणि अत्यन्तं महत्त्वपूर्णानि सन्ति। तेन स्थानीय-उत्पादानां विपणनस्य तथा स्वसहायतासमूहैः सह उत्तम-समन्वयस्य आवश्यकतायां बलं दत्तम् तथा जिलाधिकारिणं प्रति उक्तं यत् केन्द्रं स्वसहायतासमूहैः तथा सरकारी-योजनाभिः सह संयोज्य अस्य क्रियाकलापानां अधिकः विस्तारः क्रियताम्।
कार्यक्रमस्य अन्तर्गतं कमान्-हॉल् इत्यत्र जिलाधिकारिणा राज्यपालाय जनपदस्य विधिव्यवस्था, विकासकार्याणि, पर्यटनम्, आधारभूत-सुविधाः तथा प्रशासनिक-व्यवस्थानां विषये विस्तृतं प्रस्तुतीकरणं प्रदत्तम्। अस्मिन् अवसरे राज्यपालेन विभिन्न-योजनानां प्रगतिविषये जानकारी गृहीत्वा जनकल्याणकारी-योजनानां प्रभावी-क्रियान्वयनस्य उपरि बलं दत्तम्। अस्यैव क्रमस्य अन्तर्गतं रॉय-हट् इत्यत्र आयोजितायां स्टेशन-ब्रीफिङ्ग्-कार्यक्रमे राज्यपालाय क्षेत्रस्य सैन्य-क्रियाकलापानां, व्यवस्थापनानां तथा सुरक्षासम्बद्ध-विषयाणां जानकारी प्रदत्ता।
लैन्सडाउनस्थिते शहीद-भवानी-दत्त-जोशी-परेड्-ग्राउण्ड् आगमने जिलाधिकारी स्वाति एस्. भदौरिया, मुख्य-विकास-अधिकारी गिरीश-गुणवन्तः तथा गढ़वाल-राइफल्-रेजिमेण्ट्-केन्द्रस्य कमाण्डेण्ट् ब्रिगेडियर् विनोद-नेगी राज्यपालस्य स्वागतं कृतवन्तः। अस्मिन् अवसरे सुरक्षाबलैः राज्यपालाय आकर्षकः “गार्ड्-ऑफ्-ऑनर्” अपि प्रदत्तः।
अस्मिन् अवसरे लेफ्टिनेण्ट् कर्नल् विजय-तोमरः, अपर-पुलिस-अधीक्षकः मनोजकुमार-ठाकुरः, पीडी-डीआरडीए विवेककुमार-उपाध्यायः, उपजिलाधिकारी शालिनी-मौर्या, सीओ निहारिका-सेमवाल् सहिताः सेना-प्रशासन-पुलिस-विभागानां अन्ये अधिकारिणः अपि उपस्थिताः आसन्।
---------------
हिन्दुस्थान समाचार