Enter your Email Address to subscribe to our newsletters
शिमला, 11 मईमासः (हि.स.)।
भारतीयजनतापक्षेण पालमपुरनगरनिगमनिर्वाचने दलस्य अधिकृतप्रत्याशिनः विरुद्धं निर्वाचनं कुर्वतः एकस्य कार्यकर्तुः विरुद्धं अनुशासनात्मककार्यवाही कृता अस्ति। भाजपाप्रदेशाध्यक्षः डॉ॰ राजीवबिन्दलः पालमपुरस्य वार्डसंख्या–५ सुग्घरतः निर्वाचनं कुर्वतः संजीवराणस्य प्राथमिकसदस्यतां तात्कालिकप्रभावेण निलम्बितवान्।
भाजपाप्रदेशकार्यालयस्य पक्षतः निर्गतायां प्रेसविज्ञप्तौ उक्तं यत् पञ्चायतीराजनगरनिकायनिर्वाचनार्थं गठितायाः अनुशासनसमितेः समीपं संगठनात्मकजिलापालमपुरात् तथा पालमपुरशहरीमण्डलात् एषा शिकायत् प्राप्ता यत् संजीवराणः दलस्य अधिकृतप्रत्याशिनः विरुद्धं निर्वाचनस्पर्धायां स्थितः अस्ति। समित्या प्रकरणस्य विषये विचारं कृत्वा एतत् अनुशासनहीनतायाः गम्भीरं प्रकरणं मन्यते स्म तथा प्रदेशाध्यक्षस्य समीपे कार्यवाह्याः अनुशंसा कृता।
ततः परं भाजपाप्रदेशाध्यक्षः डॉ॰ राजीवबिन्दलः दलसंविधानस्य अनुसारं कार्यवाहीं कृत्वा संजीवराणस्य प्राथमिकसदस्यतां निलम्बयितुं आदेशान् निर्गतवान्। एषा सूचना भाजपाहिमाचलप्रदेशस्य प्रदेशकार्यालयसचिवस्य प्रमोदठाकुरस्य पक्षतः प्रदत्ता अस्ति।
प्रदेशस्य एकपञ्चाशत् शहरीयनिकायेषु सप्तदशमेदिने मतदानं भविष्यति। नगरपरिषदः तथा नगरपञ्चायतिषु मतगणना मतदानस्य अनन्तरं त्वरितमेव क्रियिष्यते, यदा तु चतुर्षु नगरनिगमेषु धर्मशाला, पालमपुर, मण्डी तथा सोलन इत्येषु मतगणना एकत्रिंशत्तमेदिने मईमासस्य भविष्यति।
---------------
हिन्दुस्थान समाचार