Enter your Email Address to subscribe to our newsletters
बैतूलम्, 11 मईमासः (हि.स.)।
न्यूजीलैण्डदेशस्य एकं प्रतिनिधिमण्डलं अद्य सोमवासरे मध्यप्रदेशस्य प्रवासाय आगच्छति। एतत् प्रतिनिधिमण्डलं अत्र बैतूल-जिलायाः भ्रमणस्य समये जिल्लायां सञ्चालितानां मधुसङ्ग्रहण-जनजातीयजीविकोपार्जन-क्रियाकलापानां अवलोकनं करिष्यति।
जनसम्पर्काधिकारी रोमितउईके इत्यनेन सूचना प्रदत्ता यत् निर्धारितकार्यक्रमानुसारं प्रतिनिधिमण्डलं मध्याह्ने प्रायः १:३० वादनतः २ वादनपर्यन्तं बैतूलम् आगमिष्यति, यत्र नन्दावनधनविकासकेन्द्रस्य (वीडीवीके) मधुसङ्ग्रहणकेन्द्रस्य अवलोकनं करिष्यति। अस्मिन् समये प्रतिनिधिमण्डलाय जनजातीय-मधुसङ्ग्राहकैः क्षेत्रीयकार्यकर्तृभिश्च क्रियमाणकार्याणां विषये जानकारी प्रदास्यते।
भ्रमणस्य समये प्रतिनिधिमण्डलं मधुसङ्ग्रहणस्य प्रक्रियां, स्थानीय-मधुमूल्यशृङ्खलां, सङ्ग्रहणं, श्रेणीकरणं, प्राथमिकभण्डारणप्रक्रियाश्च अवलोकयिष्यति। सहैव क्षेत्रीयकार्यकर्तृभिः हितग्राहिभिश्च सह संवादकार्यक्रमः अपि आयोज्यते। कार्यक्रमस्य अनन्तरं प्रतिनिधिमण्डलं बैतूलतः भोपालनगरं प्रति प्रस्थानं करिष्यति।
---------------
हिन्दुस्थान समाचार