Enter your Email Address to subscribe to our newsletters
गुवाहाटी, 11 मईमासः, (हि.स.):
असमराज्यस्य मुख्यमन्त्री डॉ. हिमन्तबिस्वसरमा सोमवासरे राज्यस्य युवजनानां कृते राष्ट्रियजनतान्त्रिकगठबन्धनस्य (एनडीए) ३.० सर्वकारस्य महत्त्वपूर्णयोजनायाः घोषणां कृत्वा उक्तवान् यत् असमराज्यस्य १० लक्षयुवभ्यः उद्यमिताप्रवर्धनार्थं प्रत्येकस्मै पञ्चलक्षरूप्यकाणां आर्थिकसहायता प्रदास्यते।
मुख्यमन्त्री सामाजिकमाध्यममञ्चे “एक्स्” इत्यत्र एतां सूचनां सहकुर्वन् उक्तवान् यत् अस्याः पहलायाः उद्देश्यं “आत्मनिर्भर-असम” इत्यस्य निर्माणस्य तीव्रतां वर्धयितुं, स्थानीय-उद्यमानां प्रोत्साहनं दातुं तथा युवानां कृते रोजगार-स्वरोजगारयोः नूतनावसरान् निर्मातुं च अस्ति।
तेन उक्तं यत् उत्तमं भविष्यं केवलं प्रतिज्ञा नास्ति, अपितु सरकारस्य ध्येयम् अस्ति। मुख्यमन्त्री एतदपि उक्तवान् यत् राज्यसरकारः स्वप्नद्रष्टॄन् रोजगारसृजनकर्तॄन् युवानः सह दृढतया तिष्ठति।
एषा घोषणा तस्मिन् समये कृता यदा १२ मई दिनाङ्के नूतन-असम-सरकारस्य शपथग्रहणसमारोहस्य सज्जता प्रचलति। मुख्यमन्त्री डॉ. सर्मा नूतन-एनडीए-मन्त्रिमण्डलेन सह शपथं ग्रहीष्यति। समारोहे प्रधानमन्त्रिणा नरेन्द्रमोदिना सहित देशस्य विभिन्नभागेभ्यः अनेकाः वरिष्ठनेतारः उपस्थिताः भविष्यन्ति।
हिन्दुस्थान समाचार