Enter your Email Address to subscribe to our newsletters
नवदेहली, ११ मे-मासः (हि.स.)। केन्द्रीय-सड़क-परिवहन-राजमार्गमन्त्री नितिन-गडकरी देहल्याः मुण्डका-बक्करवाला-टोल-प्लाजा-इत्यत्र बहुपङ्क्ति-मुक्त-प्रवाहः (एमएलएफएफ) अवरोधरहित-टोल-सङ्ग्रह-प्रणाल्याः उद्घाटनं कृतवान्। एषा देशस्य द्वितीया एतादृशी प्रणाली अस्ति। अस्याः माध्यमेन वाहनानि न स्थगयित्वा सामान्य-गत्या टोल-प्लाजातः पारं गमिष्यन्ति तथा फास्टैग-लेखातः स्वयमेव शुल्कं कर्तिष्यते।
एषा प्रणाली एएनपीआर, आरएफआईडी, रडार, लिडार तथा डिजिटल-जाल-तन्त्रज्ञानस्य उपयोगेन कार्यं करिष्यति। अनेन यातायात-सम्मर्दः न्यूनः भविष्यति, यात्राकालः क्षयिष्यते, ईन्धनावशेषः भविष्यति तथा प्रदूषणमपि न्यूनं भविष्यति।
एनएचएआई-अनुसारम् प्रथम-चरणे नव-राज्यानां १७ टोल-प्लाजा अस्याः प्रणाल्याः अन्तर्गतं आनयिष्यन्ते। कर-प्रदानं न कुर्वतां वाहनानां विरुद्धं दण्डात्मक-कार्यवाही अपि भविष्यति।
हिन्दुस्थान समाचार / अंशु गुप्ता