काठमांडूनगरम्, ११ मे-मासः (हि.स.)। नेपाल-सर्वकारः घोषणां कृतवान् यत् देशे सर्वत्र माध्यमिक-स्तरपर्यन्तं सर्वेभ्यः छात्रेभ्यः निःशुल्का शिक्षा प्रवर्तिष्यते।

आगामि-आर्थिक-वर्षस्य कृते सर्वकारस्य नीति-कार्यक्रमं प्रस्तुतयन् राष्ट्रपतिः रामचन्द्र-पौडेलः उक्तवान् यत् माध्यमिक-शिक्षा-पर्यन्तं निःशुल्क-शिक्षायाः कार्यान्वयनं सर्वकारेण सुनिश्चितं क्रियते।सर्वकारः सार्वजनिक-शिक्षायां दीर्घकालीन-निवेशस्य अपि नीतिं घोषितवती अस्ति तथा च निजी-शिक्षण-संस्थानानि नियमनाधीनीकृत्य तान् सेवाभित्तिक-शिक्षायाः दिशि उन्मुखीकरणाय प्रयतिष्यते।

नीति-कार्यक्रमानुसारं उच्च-शिक्षा श्रम-विपणेन सह संयुक्ता भविष्यति, तथा सामुदायिक-विद्यालयेषु उच्च-गति-अन्तर्जाल-सेवा कृत्रिम-बुद्धिमत्ता-आधारित-शिक्षण-प्रणाली च स्थापितुं योजना अस्ति।

सर्वकारः शिक्षकेषु नियुक्ति-पदोन्नति-मूल्याङ्कन-प्रक्रियाः योग्यता-आधारिताः कर्तुं च निश्चयं कृतवान् अस्ति। तदतिरिक्तं “उत्कृष्ट-शिक्षक-कार्यक्रमः” अपि प्रवर्तयिष्यते। सर्वस्तरीय-पाठ्यक्रमाणां पुनरीक्षणं कृत्वा शिक्षां अधिक-गुणवत्तापूर्णां, व्यवहारिकां तथा रोजगार-उन्मुखां कर्तुं योजना अपि प्रस्तुता।

अस्याः नीत्याः उद्देश्यं समयानुकूल-शिक्षा-प्रणाल्याः आधुनिकीकरणं तथा छात्राणां कौशल-विकासस्य प्राधान्यं स्थापनम् अस्ति।

हिन्दुस्थान समाचार / अंशु गुप्ता