लखनऊ-नगरम्, ११ मे-मासः (हि.स.)। भाजपा-प्रदेशाध्यक्षः केन्द्रीय-वित्त-राज्यमन्त्री च पङ्कज-चौधरी समाजवादी-पक्षम् आक्षिप्य अवदत् यत् निरन्तर-निर्वाचन-पराजयैः सपापक्षः विषयविहीनः जातः। सः उक्तवान् यत् राष्ट्रहितस्य विषयेषु सकारात्मक-सहयोगस्य आवश्यकता अस्ति, न तु भ्रम-प्रसारणस्य।

सः प्रधानमन्त्रिणः नरेन्द्र-मोदिना ऊर्जा-संरक्षणाय, स्वदेशी-उत्पादन-प्रोत्साहनाय, संसाधनानां विवेकपूर्ण-उपयोगाय कृतम् आह्वानं दूरदर्शि-नेतृत्वस्य परिचायकम् इति कथितवान्। चौधरीमहोदयेन उक्तं यत् भारतम् वैश्विक-आर्थिक-समस्याषु अपि विकासमार्गे दृढतया अग्रे गच्छति तथा जनता विकास-सुशासन-राष्ट्रहित-आधारित-राजनीतिं समर्थनं करोति।

सः अवदत् यत् भाजपा-सर्वकारेण निर्धनेभ्यः निःशुल्क-खाद्यवस्तु, कृषकेभ्यः कृषक-सम्मान-निधिः, महिलाभ्यः उज्ज्वला-योजना, युवभ्यः रोजगार-स्वरोजगार-अवसराः च प्रदत्ताः। प्रधानमन्त्रीमोदी-महोदयस्य नेतृत्वे भारतम् वैश्विक-मञ्चे स्वस्य सशक्त-परिचयं निर्मितवान्। अद्य विश्वः भारतस्य वचनं गम्भीरतया शृणोति। भारतस्य विदेश-नीतिः राष्ट्रिय-हितानि केन्द्रे स्थाप्य अग्रे गच्छति। एतादृशे काले विपक्षदलैः देशस्य छविं दूषयितुं जनमानसे भ्रमं प्रसारयितुं च यः प्रयत्नः क्रियते, सः दुर्भाग्यपूर्णः अस्ति। समाजवादी-पक्ष-नेतारः एतत् अवगच्छेयुः यत् देशस्य जनता अधुना नकारात्मक-राजनीतेः उपरि उत्थिता अस्ति तथा विकासस्य, सुशासनस्य, राष्ट्रहितस्य च राजनीतिं समर्थनं ददाति।

प्रदेश-भाजपा-अध्यक्षः अवदत् यत् अखिलेश-यादवस्य वक्तव्यं तस्य राजनैतिक-निराशायाः, हताशायाः, कुण्ठायाः च प्रतीकमात्रम् अस्ति। अतः सः प्रत्येकं राष्ट्रिय-विषये निरर्थक-वक्तव्यैः केवलं चर्चां प्राप्तुं प्रयतते। किन्तु जनता सर्वं जानाति तथा अपि अवगच्छति यत् भाजपा-सर्वकारः प्रत्येकं समस्यां सम्यक् प्रकारेण सम्मुखिनं कर्तुं समर्थः अस्ति। प्रधानमन्त्री मोदी-महोदयः सर्वदा देशं सङ्कटात् उद्धर्तुं कार्यं कृतवान् तथा जनविश्वासः अपि तेषां सह दृढतया सम्बद्धः अस्ति।

श्री-चौधरी अवदत् यत् ये जनतायाः दूरं गतवन्तः, ते अधुना जनतायाः स्वरं श्रोतुं न समर्थाः। देशस्य प्रदेशस्य च जनता विकासेन, सुरक्षया, स्थिर-नेतृत्वेन च सह स्थिताऽस्ति। सः विश्वासं व्यक्तवान् यत् अद्य देशस्य जनता स्पष्टतया वदति — “सुदृढ-नेतृत्वाय, सुरक्षित-भारताय, विकसित-भारताय च भाजपा एव विकल्पः अस्ति।”

हिन्दुस्थान समाचार / अंशु गुप्ता