Enter your Email Address to subscribe to our newsletters
शिमला, 11 मईमासः (हि.स.)।
पूर्वमुख्यमन्त्री तथा पूर्वकेन्द्रीयमन्त्री शान्ताकुमारः हिमाचलप्रदेशशिक्षामण्डलस्य परीक्षाफलानां विषये प्रसन्नतां व्यक्तं कृत्वा मेरिटसूचीमध्ये स्थानं प्राप्तवन्तः विद्यार्थिनः शुभकामनाः अददात्।
तेन उक्तं यत् अद्य सर्वे समाचारपत्राः शिक्षामण्डलस्य परीक्षाफलैः तथा मेधावीच्छात्राणां स्मितमुखचित्रैः परिपूर्णाः दृश्यन्ते, यानि दृष्ट्वा अत्यन्तं हर्षः अभवत्।
तेन उक्तं यत् मेरिटमध्ये आगच्छन्तः अधिकांशछात्राः चिकित्सकाः, अभियन्तारः तथा अध्यापकाः भवितुम् इच्छां प्रकटयन्ति। तेन विद्यार्थिनः प्रति आह्वानं कृतं यत् ते जीवने यत्किमपि भवितुम् इच्छेयुः, तत् अवश्यं भवन्तु, किन्तु सर्वप्रथमं उत्तमाः तथा दायित्वनिष्ठाः मानवाः भवन्तु।
शान्ताकुमारः सोमवासरे एकस्मिन् वक्तव्ये उक्तवान् यत् केवलं परीक्षायां उत्तमाङ्कप्राप्तिः एव जीवनस्य सफलतायाः मापदण्डः न भवति, अपितु व्यक्तेः चरित्रमेव सर्वाधिकं महत्त्वपूर्णं भवति। तेन उदाहरणरूपेण उक्तं यत् वर्षे २००० तमे पूजासिंघल् नाम्नी युवती केवलं एकविंशतिवर्षीये वयसि सम्पूर्णदेशे आईएएस् परीक्षायां प्रथमस्थानं प्राप्तवती आसीत्। तस्याः अस्याः उपलब्धेः विषये सम्पूर्णदेशे चर्चा अभवत्, किन्तु पश्चात् झारखण्डे खनिजविकासनिगमे प्रबन्धनिदेशकरूपेण कार्यं कुर्वन्ती सा भ्रष्टाचारस्य गम्भीरप्रकरणे संलग्ना अभवत् तथा वर्षे २०२२ तमे कारागारम् अपि गन्तुं बाधिता अभवत्।
तेन उक्तं यत् पूजासिंघल् अत्यन्तयोग्या अधिकारिणी तु अभवत्, किन्तु उत्तमा मानवि न भवितुं शक्नोत्। अस्य कारणात् एतावतीं महान् सफलतां प्राप्त्वापि तस्याः कारागारगमनं जातम्।
तेन विद्यार्थिभ्यः सन्देशं दत्त्वा उक्तं यत् जीवने सफलतायाः सह ईमानदारी, नैतिकता तथा उत्तमचरित्रस्य अपि सर्वोच्चं स्थानं दातव्यम्।
---------------
हिन्दुस्थान समाचार