Enter your Email Address to subscribe to our newsletters
—श्री काशी विश्वनाथ मंदिरस्य त्रयंबकेश्वर बहुउद्देशीयसमागारे आयोजिते कार्यक्रमे सम्मिलितः
वाराणसी,11 मईमासः (हि.स.)। उत्तरप्रदेशस्य राज्यपालः आनन्दीबेनपटेल सोमवासरे मुख्यमन्त्रिणा योगीआदित्यनाथेन सह श्रीकाशीविश्वनाथमन्दिरे उपस्थितिं कृतवती। मन्दिरस्य गर्भगृहे राज्यपालः मुख्यमन्त्री च गुजरातस्य प्रसिद्धसोमनाथमन्दिरात् आनीतेन पवित्रजलेन वैदिकमन्त्रौच्चारणेन सह बाबायाः पावनज्योतिर्लिङ्गस्य अभिषेकं कृतवन्तौ। अनन्तरं देशे प्रदेशे च सुखसमृद्ध्यर्थं बाबां प्रार्थितवन्तौ।
मन्दिरे दर्शनपूजनानन्तरं राज्यपालः मुख्यमन्त्री च मन्दिरपरिसरस्थिते त्र्यम्बकेश्वरबहुउद्देशीयसभागृहे आयोजिते सोमनाथसंकल्पमहोत्सवे सहभागी अभवताम्। महोत्सवस्य अवसरस्य श्रद्धालुभिः अतिथिभिश्च सामूहिकम् “ॐ जपः” क्रियते। मन्दिरस्य शास्त्रिभिः छात्रछात्राभिश्च शङ्खनादोऽपि क्रियते। कार्यक्रमस्य समये सोमनाथज्योतिर्लिङ्गसम्बद्धस्य आयोजनस्य सजीवप्रसारणमपि प्रदर्शितम्। मन्दिरपरिसरस्थिते सोमनाथभवने (वृत्ताकारसभास्थले) विद्यार्थिभिः निर्मितः पार्थिवशिवलिङ्गः स्थापितः अस्ति। यः भगवान् सोमनाथज्योतिर्लिङ्गस्य स्वरूपस्य प्रतीकः अस्ति। सोमनाथसंकल्पस्य सामूहिकपाठोऽपि क्रियते। मुख्यमन्त्री संकल्पस्य वाचनं करिष्यति तथा उपस्थिताः सर्वे श्रद्धालवः अतिथयश्च तस्य सामूहिकोच्चारणं करिष्यन्ति। कार्यक्रमे सांस्कृतिकाध्यात्मिकप्रस्तुतयः अपि प्रदास्यन्ते तथा सोमनाथज्योतिर्लिङ्गसम्बद्धस्य कार्यक्रमस्य सजीवप्रसारणमपि प्रदर्श्यते।
अस्मात् पूर्वं मुख्यमन्त्री हेलिकॉप्टरयानद्वारा पुलिसलाइनक्रीडाङ्गणे निर्मिते हेलिपैडे अवतीर्णः। यत्र भाजपादलस्य पदाधिकाऱिभिः जनप्रतिनिधिभिश्च सह प्रशासनिकाधिकारिभिः तस्य स्वागतं कृतम्। वाराणसीनगरं प्रति आगमनात् पूर्वं मुख्यमन्त्री स्वस्य अधिकृत ‘एक्स’ खातायां लिखितवान् यत् अद्यतनः दिवसः आध्यात्मिकचेतनायै सांस्कृतिकस्वाभिमानाय विकसितभारतस्य संकल्पाय च समर्पितः भविष्यति। बाबाविश्वनाथस्य पावननगऱ्यां वाराणस्यां राज्यपालायाः आनन्दीबेनपटेलस्य गरिमामय्याः उपस्थितौ आयोजितस्य ‘सोमनाथसंकल्पमहोत्सवस्य’ अन्तर्गतं ज्योतिर्लिङ्गसम्बद्धेन आध्यात्मिककार्यक्रमेण सह सम्बद्धतां प्राप्तुं अवसरः भविष्यति।
हिन्दुस्थान समाचार