Enter your Email Address to subscribe to our newsletters
गुवाहाटी, 12 मईमासः (हि.स.)।
कामाख्यामन्दिरे मङ्गलवासरे भाजपायाः राष्ट्रियाध्यक्षेन नितिननबीन-महोदयेन सह बिहार-दिल्ली-गोवा-राज्यानां मुख्यमन्त्रिणः अपि उपस्थिताः अभवन् तथा मातुः कामाख्यायाः दर्शनं कृत्वा आशीर्वादं प्राप्तवन्तः। सर्वे नेतारः असमस्य नूतनसर्वकारस्य शपथग्रहणसमारोहे सहभागितार्थं गुवाहाटीनगरं प्राप्तवन्तः।
दर्शनानन्तरं नितिननबीन-महोदयेन पत्रकारैः सह संवादे उक्तं यत् तेन देशस्य सुखशान्तिसमृद्ध्यर्थं मातुः कामाख्यायाः आशीर्वादः प्रार्थितः। सम्राटचौधरिणा कामाख्याधाम्नि पूजार्चनां कृत्वा राज्यस्य सुखसमृद्धेः कामना कृता। सः नूतनसर्वकारस्य शपथग्रहणसमारोहे भागं ग्रहीतुं गुवाहाटीनगरं प्राप्तवान्।
दिल्लीराज्यस्य मुख्यमन्त्री रेखागुप्ता-महोदया अपि कामाख्यामन्दिरे पूजार्चनां कृत्वा आशीर्वादं प्राप्तवती। सा अपि समारोहे सहभागितार्थं गुवाहाटीनगरं प्राप्तवती।
तथैव गोवाराज्यस्य मुख्यमन्त्री प्रमोदसावन्त-महोदयः अपि कामाख्यामन्दिरे दर्शनं कृत्वा पूजां कृतवान्। सः नूतनसर्वकारस्य शपथग्रहणसमारोहे सहभागितात् पूर्वं मातुः कामाख्यायाः आशीर्वादं प्राप्तवान्। प्राप्तसूचनानुसारं शपथग्रहणसमारोहाय गुवाहाटीनगरं प्राप्तवन्तः अन्येऽपि बहवः विशिष्टजनाः अद्य मातुः कामाख्यायाः दर्शनं कृतवन्तः।
हिन्दुस्थान समाचार