Enter your Email Address to subscribe to our newsletters
रायपुर-नगरम्, १२ मईमासः (हि.स.)। छत्तीसगढ-राज्यस्य मुख्यमन्त्री विष्णुदेव-साय: अद्य मंगलवासरे असम-राज्यस्य प्रवासे भविष्यति। मुख्यमन्त्रिणा सायेन सह प्रदेशस्य उभौ उपमुख्यमन्त्रिणौ अरुण-साव: तथा विजय-शर्मा अपि भविष्यतः। ते भाजपायाः सर्वकारस्य शपथ-ग्रहण-समारोहे सहभागिनौ भविष्यतः।
निर्धारित-कार्यक्रमानुसारं मुख्यमन्त्री साय: असम-प्रवासात् रायपुर-नगरं प्रत्यागत्य सायंकाले भाजपायाः कोर-ग्रुप-सभायाम् अपि सहभागिता करिष्यति। मुख्यमन्त्री सायं ५:४० वादने सिविल-लाइन-स्थितात् मुख्यमन्त्री-निवासात् प्रस्थितः भविष्यति तथा ५:५५ वादने कुशाभाऊ-ठाकरे-परिसर-स्थितं भाजपायाः प्रदेश-कार्यालयं प्राप्स्यति। तत्र सः सायं ६ वादनात् रात्रेः १० वादनपर्यन्तम् आयोज्यमानायां भाजपायाः कोर-ग्रुप्-सभायां सहभागी भविष्यति। सभायाः अनन्तरं मुख्यमन्त्री रात्रौ १०:०५ वादने मुख्यमन्त्री-निवासं प्रति प्रस्थितः भविष्यति।
हिन्दुस्थान समाचार / अंशु गुप्ता