Enter your Email Address to subscribe to our newsletters
नवदिल्ली, 12 मईमासः (हि.स.)।रेखा गुप्ता अद्य असमराज्यस्य मां कामाख्या मंदिर इत्यस्य पवित्रधाम्नि सपरिवारं पूजाम् अर्चनां च कृत्वा समस्त-देशवासिनां सुखं समृद्धिं उत्तम-स्वास्थ्यं च कामितवती।
मुख्यमन्त्री दर्शनानन्तरं पत्रकारैः सह संवादे उक्तवती यत् असमराज्ये तृतीयवारं भारतीय जनता पार्टी दलस्य सरकारः माता कामाख्या-देव्याः कृपयैव स्थापितः अभवत्। जनानां प्रेम, विश्वासः तथा मातुः आशीर्वादः सदैव असमराज्यं प्रगतिपथे नेतुं विकसितं कर्तुं च समर्थः भवतु, एषा एव कामना अस्ति। वयं सर्वे नरेन्द्र मोदी महोदयस्य नेतृत्वे विकसित-भारतस्य विकसित-असमस्य च यात्रां सम्पन्नां कुर्मः।
मुख्यमन्त्री उक्तवती यत् पूर्वोत्तर-भारतं “अष्टलक्ष्मी” इति रूपेण आस्था, संस्कृति, आध्यात्मिक-चेतना तथा विकासस्य अद्भुत-शक्तेः प्रतीकं वर्तते। माता कामाख्या-देव्याः एषा पुण्यभूमिः शताब्दीभ्यः शक्तेः, साधनायाः, सनातन-परम्परायाः च दिव्य-धारया सम्पूर्ण-राष्ट्रं प्रेरयन्ती आगता अस्ति। सा माता कामाख्यां प्रति भारतस्य निरन्तर-प्रगतये, समृद्धये तथा गौरवस्य मार्गे अग्रे गन्तुं प्रार्थनाम् अकरोत्।
------------
हिन्दुस्थान समाचार