Enter your Email Address to subscribe to our newsletters
-गुरुग्रामे परिचर्याधिकारिणां सोत्साहं समाचरन् अन्तर्राष्ट्रीय परिचारिकादिवसः-प्रयोग फाउण्डेशनसंस्थया परिचर्याधिकारिण्यः सम्मानिताः-नर्सिंग ऑफिसर्स इत्येषां कार्यस्य सम्मानं कुर्वद्भिः प्रशस्तिपत्राणि धार्मिकपुस्तकानि च प्रदत्तानि
गुरुग्राम, १२ मई (हि.स.)। सेक्टर-१० स्थितस्य नागरिकचिकित्सालयस्य परिचर्याधिकारिणीभिः मंगलवासरे अन्ताराष्ट्रियपरिचारिकादिवसः धूमधामेन आचरितः। बसईस्थे एका उपाहारगृहे आयोजिते परिचारिकादिवसकार्यक्रमे सामाजिकसंस्था प्रयोग फाउण्डेशनसंस्थायाः पक्षतः परिचर्याधिकारिण्यः सम्मानिताः। परिचर्याधिकारिणीभिः सदैव सेवा, समर्पणं मानवता च आधाररूपेण कार्यकरणस्य प्रतिज्ञा कृता। कार्यक्रमे केकच्छेदनेन अन्ताराष्ट्रियपरिचारिकादिवसः आचरितः।
समारोहे मुख्यातिथिरूपेण वरिष्ठपरिचर्याधिकारिणी पूनम सहराय उपस्थितवती। अस्मिन् अवसरे तया सर्वेभ्यः अन्तर्राष्ट्रीयपरिचारिकादिवसस्य शुभाशयाः शुभकामनाश्च प्रदत्ताः। कार्यक्रमस्य आरम्भः परिचर्याक्षेत्रस्य जनन्याः फ्लोरेंस नाइटिंगेल इत्यस्याः चित्रे पुष्पाञ्जलिं समर्प्य कृतः। सर्वाभिः परिचर्याधिकारिणीभिः एकस्वरेण तस्यै नमनं कृत्वा तया प्रदर्शितमार्गेण पूर्णनिष्ठया, प्रामाणिकतया मानवतया च सह रोगिणां सेवां कर्तुं संकल्पः गृहीतः। समारोहे परिचर्याधिकारिण्यः उत्साहेन नृत्यमपि कृतवन्त्यः। अनेकाः परिचर्याधिकारिण्यः, अपि च कार्यक्रमस्य मुख्यातिथिः, स्वकीयकर्तव्यं सम्पन्न्य एव कार्यक्रमे उपस्थिताः अभवन्। सर्वाभिः परस्परं शुभकामनाः प्रदत्ताः तथा समाजसेवायाः संकल्पः पुनरुक्तः।
वरिष्ठपरिचर्याधिकारिणी पूनम सहराय कार्यक्रमे उपस्थिताभ्यः सर्वाभ्यः परिचर्याधिकारिणीभ्यः प्रयोग फाउण्डेशनसंस्थायाः पक्षतः प्रशस्तिपत्राणि धार्मिकपुस्तकानि च प्रदाय सम्मानितवती। पूनम सहराय उक्तवती यत् परिचर्या केवलं व्यवसायः नास्ति, अपितु सेवायाः संकल्पः अस्ति। एषा सेवा परिचर्याधिकारिण्यः सदैव पूर्णमनसा कुर्वन्ति। परिचर्याव्यवसाये प्रवेशः केवलं रोजगारप्राप्तिः न, अपितु आत्मीयतया कार्यकरणस्य प्रेरणा अस्ति। तया उक्तं यत् कोरोना-कालखण्डे परिचर्याकार्यकर्तारः स्वप्राणानाम् अपि चिन्तां विना अहोरात्रं रोगिणां सेवां कृतवन्तः। समाजे परिचारिकानां योगदानं कदापि विस्मर्तुं न शक्यते।
तया युवा-परिचर्याधिकारिणीभ्यः रोगिषु प्रति संवेदनशीलतां धारयितुं तथा व्यावसायिककौशलानां निरन्तरमद्यतनीकरणं कर्तुं आह्वानं कृतम्। स्वकार्यस्य महत्त्वं सदा अवगच्छन्तु तथा कार्ये शतप्रतिशतं योगदानं ददतु। तया उक्तं यत् कस्यचित् रोगिणः प्राणरक्षणं अस्माकं कृते परमसन्तोषस्य विषयः भवति। रोगिणः स्वस्थः भूत्वा गृहं प्रत्यागमनमेव तासां वास्तविकः सम्मानः अस्ति। रात्रिदिवसकर्तव्यपालनं, परिवारात् दूरवासः च सति अपि ताः सदैव स्मितमुख्यः भूत्वा स्वकर्तव्यं निर्वहन्ति।
प्रयोग फाउण्डेशनसंस्थायाः अध्यक्षः संजीव शर्मा उक्तवान् यत् परिचर्याकार्यकर्तारः स्वास्थ्यसेवानां मेरुदण्डरूपाः सन्ति। वैद्याः उपचारं निर्दिशन्ति, किन्तु रोगिणं स्वस्थं कर्तुं चतुर्विंशतिघण्टापर्यन्तं या परिचर्या क्रियते, सा परिचर्याकार्यकर्तृभिरेव क्रियते। तेन उक्तं यत् प्रयोग फाउण्डेशनसंस्थायाः पक्षतः परिचर्याधिकारिणीभ्यः प्रदत्तेन एतेन सम्मानेन अस्माकं उद्देश्यं परिचर्याकार्यकर्तृणां मनोबलवर्धनं तथा समाजे तेषां योगदानस्य सम्मानपूर्वकं प्रस्तुतीकरणम् अस्ति।
हिन्दुस्थान समाचार