Enter your Email Address to subscribe to our newsletters
नव दिल्ली, 12 मईमासः (हि.स.)।
केन्द्रीयगृहसहकारितामन्त्री अमित शाह बाबा बंदा सिंह बहादुरस्य सरहिंदविजयदिवसे तं नत्वा देशवासिभ्यः शुभकामनाः प्रदत्तवान्।
शाह ‘एक्स’ माध्यमे लिखितवान् यत् बाबा बंदा सिंह बहादुर अटूटश्रद्धायाः, मातृभूमेः प्रति पूर्णसमर्पणस्य तथा अन्यायविरुद्धम् असाधारणसाहसस्य प्रतीकः आसीत्। तेन कृषकाः संगठ्य अन्यायविरुद्धसंघर्षस्य नेतृत्वं कृतम्, मुगलान् पराजित्य आत्मसम्मानस्य, साहसस्य तथा धर्मरक्षणस्य अमरः सन्देशः प्रदत्तः।
गृहमन्त्रिणा उक्तं यत् बाबा बंदा सिंह बहादुर तपस्विहृदययुक्तः धर्मरक्षणार्थम् अजेयः योद्धा च आसीत्। तेन असंख्ययातनाः सोढाः, तथापि धार्मिकपरिवर्तनं न स्वीकृतम्। तस्य जीवनं सदा राष्ट्रधर्मरक्षणार्थं प्रेरणास्रोतः भविष्यति।
उल्लेखनीयं यत् बाबा बंदा सिंह बहादुरस्य जन्म २७ अक्टूबर १६७० तमे वर्षे जम्मूकश्मीरस्य राजौरी (पुंछ) प्रदेशे अभवत्। तस्य नाम लक्ष्मण देव आसीत् तथा पश्चात् संन्यासं स्वीकृत्य सः ‘माधो दास बैरागी’ इति नाम्ना प्रसिद्धः अभवत्।
१७०८ तमे वर्षे नांदेड़नगरे गुरु गोबिंद सिंह जी इत्यनेन सह भेंटानन्तरं तस्मै ‘बंदा सिंह बहादुर’ इति नाम प्राप्तम् तथा खालसासेनायाः नेतृत्वं समर्पितम्। तेन १७०९ तमे वर्षे समानानगरस्य विजयः प्राप्तः तथा १७१० तमे वर्षे सरहिंदयुद्धे मुगलसूबेदारं वजीर खान पराजितवान्। पंजाबप्रदेशे कृषकेभ्यः भूमेः स्वामित्वाधिकारं प्रदाय तेन जमींदारीप्रथा समाप्ता तथा प्रथमं सिखराज्यं स्थापितम्।
बंदा सिंह बहादुर १७१५ तमे वर्षे मुगलैः गृहीतः तथा ९ जून १७१६ तमे वर्षे दिल्लीनगरे यातनाः दत्त्वा शहीदीकृतः। तस्य जीवनं साहसस्य, आत्मसम्मानस्य तथा धर्मरक्षणस्य अमरप्रतीकं मन्यते। सरहिंदविजयदिवसः प्रतिवर्षं मईमासे विशेषतः १२–१४ मई मध्ये आयोज्यते, यतः १७१० तमे वर्षे अस्मिन्नेव काले बाबा बंदा सिंह बहादुरेण सरहिंदविजयः प्राप्तः तथा मुगलसूबेदारः वजीर खान पराजितः आसीत्। एषः दिवसः तस्य ऐतिहासिकविजयस्य तथा प्रथमसिखराज्यस्थापनायाः प्रतीकः अस्ति।
---------------
हिन्दुस्थान समाचार