Enter your Email Address to subscribe to our newsletters
नव दिल्ली, 12 मईमासः (हि.स.)।राष्ट्रियसुशासनकेंद्रे मसूरीनगरे सेशेल्सदेशस्य लोकसेवकानां कृते सुशासनम्, नीतिनिर्माणम्, प्रौद्योगिकी-नवाचारः, न्यायिकसुधारः इत्यादिषु विषयेषु प्रशिक्षणप्रदानार्थं क्षमता-विकास-कार्यक्रमः आयोजितः। अस्मिन् कार्यक्रमे २९ वरिष्ठाधिकारिणः सहभागिनः अभवन्, येषु रक्षा, वित्त, शिक्षा, न्यायपालिका तथा राष्ट्रपतिः कार्यालयस्य अधिकारिणः अपि सन्ति।
केन्द्रीय-कार्मिक-लोकशिकायत-पेन्शन-मन्त्रालयेन उक्तं यत् एषः द्विसाप्ताहिकः प्रशिक्षण-कार्यक्रमः ११ मईतः २२ मईपर्यन्तं मसूरी तथा नवदिल्लीनगरे आयोजितः अस्ति। अस्मिन्नेव वर्षे फरवरीमासे भारत-सेशेल्सयोः मध्ये सम्पन्नसहमत्यनुसारं त्रिवर्षेषु २५० लोकसेवकानां प्रशिक्षणं दातुं लक्ष्यं निर्धारितम् अस्ति। उद्घाटन-सत्रस्य अध्यक्षता सुरेंद्रकुमार बगड़े महोदयेन कृता। तेन उक्तं यत् पाठ्यक्रमः अधिकारिणां व्यावसायिक-आवश्यकतानुसारं निर्मितः अस्ति तथा च अस्य उद्देश्यं तान् उच्च-प्रभावयुक्त-राष्ट्रिय-कार्यक्रमाणां कार्यान्वयनाय सक्षमं कर्तुम् अस्ति।
प्रतिनिधिमण्डलस्य प्रमुखः एलेक्स हेंडरसन भारतसर्वकारस्य प्रति कृतज्ञतां प्रकटयन् उक्तवान् यत् एतत् प्रशिक्षणं न केवलं क्षमता-विकासं वर्धयिष्यति, अपितु द्विपक्षीय-सम्बन्धान् अपि दृढान् करिष्यति। भारत-सेशेल्सयोः ऐतिहासिक-सांस्कृतिक-सम्बन्धान् एषः कार्यक्रमः अधिकं सुदृढं करिष्यति।
कार्यक्रम-समन्वयकः बीएस बिष्ट अवदत् यत् प्रशिक्षणे सुशासनस्य सिद्धान्ताः, नीतिनिर्माणम्, प्रौद्योगिकी-नवाचारः, न्यायिक-सुधारः, ई-कोर्ट्स्, शासकीय-क्रये पारदर्शिता, कृत्रिमबुद्धिमत्ता-आधारित-सुशासनम्, पीएम गति शक्ति तथा प्रशासनिक-नैतिकता इत्यादयः विषयाः समाविष्टाः सन्ति। द्वितीय-चरणे सहभागिनः विभिन्न-संस्थानानां भ्रमणं करिष्यन्ति, येन ते व्यवहारिक-अनुभवं अपि प्राप्स्यन्ति।
उल्लेखनीयम् अस्ति यत् राष्ट्रिय सुशासनकेंद्रम् अधुना पर्यन्तं ५२ देशानां ५५०० अधिकान् लोकसेवकान् प्रशिक्षितवान् अस्ति। एतेषु श्रीलंका, बांग्लादेश, नेपाल, भूटान, म्यांमार, केन्या, तंजानिया, ट्यूनीशिया, गाम्बिया, मालदीव तथा अन्येषाम्आफ्रीकी-लैटिन-अमेरिकी-देशानां अधिकारिणः समाविष्टाः सन्ति।
-----------
हिन्दुस्थान समाचार