नवदेहली, १२ मईमासः (हि.स.)। दिल्ली-राज्यस्य मुख्यमन्त्री रेखा-गुप्ता मङ्गलवासरे गुवाहाटी-नगरे आयोजिते असम-राज्यस्य नूतन-सर्वकारस्य शपथ-ग्रहण-समारोहे सम्मिलिता। तया असमस्य मुख्यमन्त्री हिमन्त-बिस्व-सरमा-इत्यस्मै तथा मन्त्रिपदस्य शपथं गृहीतवन्तः तस्य मन्त्रिमण्डलस्य सर्वे सहयोगिनः अभिनन्दिताः।

मुख्यमन्त्री रेखा-गुप्ता एक्स्-पोस्ट्-माध्यमेन अवदत् यत् प्रधानमन्त्रिणः नरेन्द्र-मोदिनः दूरदृष्ट्या तथा उत्तर-पूर्व-प्रदेशं भारतस्य “अष्टलक्ष्मी”-रूपेण स्थापितुं तस्य नीत्या च अद्य असम-राज्यं विकासस्य नूतन-उच्चताः स्पृशति। अस्य एव परिणामः अस्ति यत् भारतीय-जनता-पक्षस्य एषा ऐतिहासिकी हैट्रिक-जन-विश्वासस्य स्थिरतायाश्च प्रतीकरूपेण प्रकटिता।

मुख्यमन्त्री अवदत् यत् उत्तर-पूर्व-राज्येभ्यः भारतस्य “अष्टलक्ष्मी”-रूपेण यत् मान-सम्मानं परिचयश्च प्रधानमन्त्रिणा प्रदत्तः, तस्मै अद्य जन-जनस्य पूर्णः समर्थनः लभ्यते। असमस्य प्रचण्ड-जनादेशः अस्य स्पष्टां पुष्टिं करोति। “सबका साथ, सबका विकास” इति सङ्कल्पेन असम-राज्ये सेवा-सुशासनयोः नूतनः कालः अधिकं सशक्तः अभवत्।

सा उक्तवती यत् प्रधानमन्त्रिणः मोदिनः मार्गदर्शने तथा मुख्यमन्त्रिणः हिमन्त-बिस्व-सरमणः नेतृत्वे नवगठिता एन.डी.ए.-सर्वकारः जन-आकाङ्क्षाः पूरयिष्यति तथा समृद्ध-विकसित-असम-निर्माणस्य सङ्कल्पं साकारं कर्तुं स्वस्य प्रभावपूर्णां भूमिकां निर्वहिष्यति।

हिन्दुस्थान समाचार / अंशु गुप्ता