Enter your Email Address to subscribe to our newsletters
उज्जयिनी-नगरम्, १२ मईमासः (हि.स.)। प्रसिद्धा चलच्चित्र-अभिनेत्री तमन्ना-भाटिया मंगलवासरे मध्यप्रदेशस्य उज्जयिनी-नगरम् आगत्य विश्व-प्रसिद्धस्य ज्योतिर्लिङ्ग-भगवतः महाकालेश्वरस्य दर्शनं कृतवती। सा बाबा-महाकालस्य भस्म-आरार्तिक्यां सहभागिनी भूत्वा आशीर्वादम् अलभत।
अभिनेत्री तमन्ना-भाटिया प्रातःकाले प्रायः त्रिवादने महाकालेश्वर-मन्दिरम् आगच्छत् तथा नन्दी-सभागृहे उपविश्य भक्तिभावेन भस्म-आरार्तिक्यां सहभागिनी अभवत्। अस्मिन् समये सा ललाटे चन्दनं धारयन्ती बाबा-महाकालस्य भक्तौ पूर्णतया लीना दृश्यते स्म। प्रायः द्वि-घण्टापर्यन्तं सा भस्म-आरार्तिक्या: दिव्य-दृश्यं दृष्टवती।
भस्म-आरार्तिक्या: अनन्तरं तमन्ना-भाटिया नन्दीश्वरस्य पूजनम्-अभिषेकं च कृतवती तथा नन्देः कर्णे स्व-मनोकामनाम् उक्तवती। ततः अनन्तरं रजत-द्वारेण भगवते महाकालाय पूजकस्य हस्तेन जलम् अर्पयित्वा आशीर्वादम् अलभत।
पत्रकारै: सह वार्तालापे तमन्ना-भाटिया उक्तवती यत् “अद्य भगवान् माम् आहूतवान्। बाबा-महाकालस्य आह्वानेन एव भक्ताः अत्र आगच्छन्ति। अत्र आगत्य अत्यन्तं सुखम् अनुभूतवती। अद्य प्राप्ता आरार्तिकी शब्दैः वर्णयितुं न शक्यते। भस्म-आरार्तिक्यां सहभागित्वेन महान् उत्साहः ऊर्जा च प्राप्यते। सर्वे जनाः एकत्र उपविश्य यथा आरार्तिकीं पश्यन्ति, तादृशं दृश्यं अन्यत्र दुर्लभम्।”
मन्दिर-परिसरे अभिनेत्री-दर्शनाय श्रद्धालूनां मध्ये महान् उत्साहः दृश्यते स्म। भस्म-आरार्तिक्या: समये विशेष-सुरक्षा-व्यवस्था अपि कृता आसीत्।
हिन्दुस्थान समाचार / अंशु गुप्ता