कठुआ, 12 मईमासः (हि.स.)।वेदमन्दिर-योल-स्थले आयोजिते अष्टसप्ततिदिवसीये चतुर्णां वेदानां यज्ञानुष्ठाने एकत्रिंशत्तमे दिने स्वामी रामस्वरूप योगाचार्यः श्रद्धालुभ्यः वेदानां महत्त्वविषये विस्तरेण प्रकाशं दत्तवान्। तेन उक्तं यत् वर्तमानकाले विभिन्नदेशानां पृथक्-पृथक् इतिहासाः, संविधानानि संस्कृतयश्च सन्ति, किन्तु सृष्टेः प्रारम्भे सम्पूर्णायाः पृथिव्याः उपरि एक एव राजा, एका एव व्यवस्था च आसीत्, यस्य वर्णनं वेदेषु प्राप्यते।

स्वामीजी उक्तवान् यत् प्रलयानन्तरं यदा परमेश्वरः सृष्टेः रचनां करोति तदा सम्पूर्णं ज्ञानं वेदानां माध्यमेन एव प्रकटते। अतः सृष्टेः उत्पत्तिं, प्राचीनसंस्कृतिं मानवजीवनस्य वास्तविकमुद्देश्यं च अवगन्तुं वेदानामध्ययनम् अत्यावश्यकम् अस्ति।

तेन उक्तं यत् वेदेभ्यः अतिरिक्तं एवं गूढं व्यापकं च ज्ञानं अन्यत् किमपि प्रदातुं न शक्नोति। चिन्तां प्रकटयन् तेन उक्तं यत् वर्तमानयुगे मनुष्यः वेदज्ञेभ्यः तपस्विभ्यः गुरू-शिष्य-परम्परया ज्ञानप्राप्तेः परम्परां त्यक्तवान् अस्ति तथा स्वस्वरीत्या भक्तिमार्गान् निर्मितवान् अस्ति। अस्मिन् सन्दर्भे तेन गोस्वामी तुलसीदासस्य दोहस्य उल्लेखं कृत्वा उक्तं यत् मनुष्यः मोहवशात् वेदसम्मतं भक्तिमार्गं परित्यज्य अनेकान् नवीनपन्थान् कल्पयति।

स्वामी रामस्वरूपजी सांख्यशास्त्रस्य मुनि कपिलस्य सूत्रस्य उदाहरणं दत्त्वा उक्तवान् यत् यत् सत्यं प्रमाणैः सिद्धम् अस्ति, तस्य विरोधः केवलं कल्पनायाः आधारेण कर्तुं न शक्यते। तेन स्पष्टतया उक्तं यत् वेदेषु, उपनिषत्सु, गीतायां रामायणे च वर्णितं ज्ञानमेव प्रमाणिकं सत्यं च अस्ति, यत् प्राचीनऋषिमुनिभिः, भगवान् श्रीरामेण, योगेश्वरेण श्रीकृष्णेन च स्वजीवने आचरितम्। तेन श्रद्धालून् प्रति आह्वानं कृतं यत् ते वेदान् योगविद्यां च स्वजीवने स्वीकृत्य सत्ये मार्गे चलन्तु, यतः एतदेव मानवजीवनस्य कल्याणस्य आधारः अस्ति।

---------------

हिन्दुस्थान समाचार