लखनऊनगरम्, समाजवादीपक्षस्य (एस. पि.) राष्ट्रियः अध्यक्षः तथा पूर्वमुख्यमन्त्रिणः अखिलेशः यादवः बुधवासरे कनिष्ठभ्रातुः प्रतीकयादवस्य मृत्योः विषये अतीव दुःखितः अस्ति। ते के.जी.एम्.यू. इत्यत्र शवपरीक्षणं गृहं प्राप्तवन्तः, यत्र प्रतीकयादवस्य शवपरीक्षणं प्रचलति स्म। एस.पी.प्रमुखः अत्र शोकाकुलपरिवारस्य सदस्यै: सह मिलित्वा घटनायाः विषये अपृच्छत्।

शवपरीक्षणगृहात् बहिः आगत्य समाजवादी-पक्षस्य अध्यक्षः अखिलेशः यादवः पत्रकारान् अवदत् यत् प्रतीकयादवः अद्य अस्माकं मध्ये नास्ति इति। अयं समयः अस्माकं सर्वस्य कृते अतीव दुःखदायकः अस्ति। बाल्यात् एव सः जीवने अग्रे गन्तुम् इच्छति स्म, स्वास्थ्य-सचेतनः च आसीत्। ते कष्टेन किमपि कर्तुम् इच्छन्ति स्म। अतीव दुःखम् यत् स: अस्माकं मध्ये न अस्ति।

एकस्य प्रश्नस्य प्रत्युत्तरे समाजवादी-पक्षस्य अध्यक्षः अखिलेशः यादवः अवदत् यत्, प्रायः मासद्वयानन्तरं अहं प्रतीकं मिलितवान्। तस्मिन् समये अपि अहं तं उक्तवान् यत् भवतः स्वास्थ्यस्य परिपालनं कुर्वन्तु, भवतः व्यवसायम् अग्रे नीयन्तु इति।

समाजवादी-पक्षस्य प्रमुखः अखिलेशः यादवः अवदत् यत् कदाचित् व्यक्तिः व्यापारे हान्या बहु भग्नः भवति इति। प्रतीकयादवः दीर्घकालं यावत् स्वपत्न्या अपर्णा यादवेन प्रसन्नः नासीत् तथा च द्वयोः मध्ये समस्याः प्रचलन्ति स्म इति उल्लेखनीयं वर्तते। पूर्वं प्रतीक: इन्स्टाग्राम् इत्यत्र विवाहविच्छेदस्य विषये उक्तवान् आसीत्। किञ्चित्कालात् पूर्वं अपि चर्चा आसीत् यत् अपर्णा यादवः सामाजिककार्यक्रमेषु अधिकं, गृहकार्यक्रमेषु च न्यूना दृश्यते इति। अनेकेषु कार्यक्रमेषु अपर्णायादवस्य प्रतीकयादवस्य च पृथक् पृथक् छायाचित्राणि आसन्।

सम्प्रति अपर्णायादवः उत्तरप्रदेश-महिला-आयोगस्य उपाध्यक्षः अस्ति तथा च भारतीय-जनता-पक्षे (बि. जे. पि.) सक्रिया अस्ति। प्रतीकयादवस्य आकस्मिकमरणात् नेतावर्यस्य परिवारः अतीव स्तब्धः अभवत्।

--------

Hindusthan Samachar / Divya Ranjan