Enter your Email Address to subscribe to our newsletters
गांधीनगरम्, 13 मईमासः (हि.स.)। प्रधानमन्त्रिणो नरेन्द्रमोदिनः पेट्रोल-डीजल इत्येतयोः रक्षितायै, कार-पूलिङ्गस्य तथा अनावश्यकव्ययस्य न्यूनीकरणाय कृतस्य आह्वानस्य महान् प्रभावः गुजरातराज्ये दृष्टः अस्ति। प्रधानमन्त्रीना स्वयम् स्वस्य एसपीजी-काफिले पञ्चाशत्प्रतिशत-वाहनकर्तनकरणस्य निर्देशः दत्तः अस्ति। गुजरात-विश्वविद्यालयेन अपि कार-पूलिङ्गस्य कार्यान्वयनस्य निर्णयः कृतः अस्ति। मुख्यमन्त्रिणा स्वकीयः काफिलः लघूकृतः अस्ति। राज्यपालेन एसटी-बस-यानस्य तथा रेलयानस्य उपयोगेन यात्रां कर्तुं निर्णयः कृतः अस्ति।
मुख्यमन्त्री भूपेन्द्रपटेलः अमरेली-जिल्लायाः राजुला-प्रवासे सादगीपर्यावरणसंरक्षणयोः सन्देशं प्रदत्तवान्। सामान्यतया मुख्यमन्त्रिणः प्रवासे दशाधिक-वाहनयुक्तः काफिलः भवति, किन्तु अस्मिन् अवसरः सः केवलं द्वाभ्यां काराभ्यां सह राजुलां प्राप्तवान्।
राज्यपालः आचार्यदेवव्रतः अधुना हेलिकॉप्टर-विमानसेवयोः स्थाने एसटी-बस-यानैः तथा रेलयानैः यात्रां कर्तुं निर्णयं कृतवान्। सहैव राज्यपालेन स्वस्य दले अपि वाहनानां संख्या न्यूनतमा स्थापयितुं निर्णयः कृतः। तेन नागरिकान् प्रदूषणस्य न्यूनीकरणाय सायकिलस्य तथा विद्युत्-वाहनानां अधिकाधिक-उपयोगस्य अपीलः अपि कृतः।
राज्यस्य गृह-राज्यमन्त्री हर्षसङ्घवी अपि प्रधानमन्त्रीणः आह्वानस्य समर्थनं कृत्वा स्वस्य अमेरिका-प्रवासं निरस्तवान्। मे-मासस्य अन्तिमसप्ताहे तस्य फेडरेशन-ऑफ-गुजराती-असोसिएशन-ऑफ-यूएसए-कन्वेन्शने सहभागिता अपेक्षिता आसीत्, किन्तु प्रधानमन्त्रिणः एकवर्षपर्यन्तं विदेशयात्राः स्थगयितुं कृतस्य आह्वानस्य अनन्तरं तेन स्वीयः प्रवासः स्थगितः।
---------------
हिन्दुस्थान समाचार